Manchu Lakshmi: అతన్ని వాటేసుకొని మరీ ఫోటో దిగిన మంచు లక్ష్మి.. ఎవరతను?

Manchu Lakshmi: మామూలుగా సినిమా ఇండస్ట్రీ వారికి చెందిన ఎలాంటి వార్త కోసమైనా జనాలు ఆసక్తి చూపుతుంటారు. జనాల్లో ఉన్న ఈ ఆసక్తిని ట్రోల్స్, మీమ్స్ వేరే లెవల్ కు తీసుకెళుతున్నాయి. ఎవరైనా హీరో లేదంటే హీరోయిన్ కాస్త అటుఇటుగా మాట్లాడినా, ఫోటోలు పెట్టినా, వీడియోలు పెట్టినా వెంటనే ట్రోల్స్ చేస్తూ వారిని ఇబ్బందికి గురిచేస్తుంటారు.

ఇలా ట్రోల్ అయ్యే వారిలో మంచు వారి కుటుంబానికి ప్రత్యేకమైన ఫాలోయింగ్ ఉంది. మంచు ఫ్యామిలీకి చెందిన అందరి మీద రకరకాలుగా ఎప్పుడూ ట్రోల్స్ రన్ అవుతూనే ఉంటాయి. ఇదే కోవలో తాజాగా మంచు వారి గారాట పట్టి, మంచు మోహన్ బాబు కూతురైన మంచు లక్ష్మి మీద విపరీతంగా ట్రోల్స్ చేస్తున్నారు. ఇంతలా ట్రోల్ చేయడానికి మంచు లక్ష్మికి చెందిన ఒక ఫోటోనే కారణం.

మంచు లక్ష్మి పుట్టిన రోజు సందర్భంగా ఓ యూట్యూబ్ యాంకర్ ఏకంగా ఆమెను హగ్ చేసుకొని మరీ ఫోటోకు స్టిల్ ఇచ్చాడు. ఇలా ఒకరినొకరు హగ్ చేసుకున్న ఫోటోను ఇన్ స్టాగ్రామ్ లో పెట్టి.. బర్త్ డే గ్రీటింగ్స్ చెప్పడం ట్రోలింగ్ కు కారణం అయ్యింది. ఇంతకీ ఆ యూట్యూబ్ యాంకర్ ఎవరో కాదు.. నిఖిల్ విజేంద్రసింహా.

మంచు లక్ష్మికి బర్త్ డే గ్రీటింగ్స్ చెబుతూ.. క్లోగ్ గా హగ్ చేసుకొని ఉన్న ఫోటోని నిఖిల్ తన సోషల్ మీడియాలో పోస్ట్ చేశాడు. దీంతో నెటిజన్లు రకరకాలుగా స్పందిస్తున్నారు. కొంతమంది.. బర్త్ డే విష్ చేయాలంటే ఇలా హగ్ చేసుకోవాలా అని, ఇంకొందరు.. ఇద్దరి జోడి బాగుంది, పెళ్లి చేపుకోండని, మరికొందరు కోతికి చిక్కిన కొబ్బరి చిప్పలా ఉందంటూ భయంకరంగా కామెంట్స్ పెట్టారు.

Manchu Lakshmi:

కాగా మంచు మోహన్ బాబు కూతురిగా మంచు లక్ష్మికి తెలుగుతో పాటు తమిళంలో గుర్తింపు ఉంది. ఈమె తెలుగుతో పాటు తమిళం, హిందీ, ఇంగ్లీష్ సినిమాల్లో నటించింది. ‘అనగనగా ఓ ధీరుడు’ సినిమాలో ఆమె నటనకు గాను 2012లో నంది అవార్డును అందుకుంది. ‘దొంగాట’ సినిమాలో ‘ఏందిరో’ అనే పాటకు బెస్ట్ సెలబ్రిటీ సింగర్ అవార్డును కూడా అందుకుంది.