రష్మి, సుదీర్ ల పెళ్లి చూడటమే నా చివరి కోరిక: జబర్దస్త్ కమెడియన్

బుల్లితెరపై యాంకర్ రష్మి గౌతమ్ -సుడిగాలి సుధీర్ జంటకు ఉన్న క్రేజ్ గురించి ప్రత్యేకంగా చెప్పాల్సిన పనిలేదు.బుల్లితెరపై వీరిద్దరూ కలిసి చేసే రొమాంటిక్ సన్నివేశాలు ప్రేక్షకులను విపరీతంగా ఆకట్టుకుంటాయి. వీరుచేసే పలు వీడియో డాన్సులు, స్కిట్లు చూస్తే నిజంగానే వీరిమధ్య ప్రేమ ఉందా అంటూ సందేహం వ్యక్తం చేయక మానరు.

అదే విధంగా ఈ జంటకు ఉన్న క్రేజ్ ను క్యాష్ చేసుకుని ఎంతోమంది నిర్వాహకులు ఈ జంటతో తమ కార్యక్రమాలలో పాల్గొనాలని చెబుతుంటారు. అదే విధంగా ఎన్నో కార్యక్రమాలలో సుధీర్ -రష్మి కు పెళ్లి చేసిన సందర్భాలు కూడా ఉన్నాయి. ఈ విధంగా పలు స్కీట్ల ద్వారా ఎంతో మంది ప్రేక్షకులను ఆకట్టుకున్నారని చెప్పవచ్చు.

ఇలా రష్మీ – సుధీర్ జంటకు పెళ్లి చేసిన ముచ్చట చూసి చాలా మంది ప్రేక్షకులు నిజంగానే వీరిద్దరికీ పెళ్లి అయితే ఎలా ఉంటుంది అని భావించారు. తాజాగా సాధారణ ప్రేక్షకులు మాత్రమే కాకుండా ఏకంగా ఓ జబర్దస్త్ కమెడియన్ కూడా వీరిద్దరూ పెళ్లి చేసుకుంటే చూడాలని ఉందని చెప్పారు.

ప్రస్తుతం ఈటీవీలో ప్రసారమయ్యే శ్రీదేవి డ్రామా కంపెనీ అనే కార్యక్రమంలో జబర్దస్త్ కమెడియన్స్ పాల్గొనే సంగతి మనకు తెలిసిందే. ఈ కార్యక్రమంలో భాగంగా సుడిగాలి సుదీర్ అక్కడ ఉన్నటువంటి కొందరిని మీకు చివరి కోరిక ఏంటి అంటూ అందరినీ ప్రశ్నించగా అందరూ ఒక్కో విధమైన సమాధానం చెప్పారు. అయితే సుడిగాలి సుదీర్ టీమ్ లో ఉన్నటువంటి ఆటో రాంప్రసాద్ ని కూడా సుడిగాలి సుదీర్ ఇదే ప్రశ్న అడగగా అతను అందరికంటే భిన్నంగా సమాధానం చెప్పాడు. నాకు రష్మీ సుధీర్ పెళ్లి చేసుకుంటే చూడాలని ఉంది. అదే నా చివరి కోరిక అనగా… అందుకు సుదీర్ ఏవైనా జరిగే కోరికలు చెప్పరా… అంటూ హాస్యం పండించాడు.