సిరిసిల్ల జిల్లా అభివృద్ధికి 20 కోట్ల నిధులు విడుదల !

రాజన్న సిరిసిల్ల జిల్లా ప్రజలకు ఐటీ మంత్రి కేటీఆర్ శుభవార్త అందించారు. వేములవాడ నియోజకవర్గంలో రూ.20కోట్ల వ్యయంతో అభివృద్ధి పనులు చేపట్టనున్నట్లు మంత్రి తెలిపారు. ఈమేరకు ఎమ్మెల్యే చెన్నమనేని రమేశ్‌బాబును మంత్రి మర్యాదపూర్వకంగా కలిశారు.

నియోజకవర్గంలో చేపట్టే పనుల వివరాలతో పాటు అభివృద్ధిపై సమీక్షించి, అభివృద్ధికి పరిపాలనకు అనుమతులు జారీ చేశారు. జిల్లా వ్యాప్తంగా పనులను వెంటనే ప్రారంభించాలని అధికారులకు ఆదేశాలిచ్చారు.

కాగా నియోజకవర్గానికి నిధులను విడుదల చేయడం పై మంత్రి కేటీఆర్‌కు ఎమ్మెల్యే రమేశ్‌బాబు కృతజ్ఞతలు తెలిపారు. సీఎం కేసిఆర్ పాలనలో తెలంగాణ అభివృద్ధి లో ముందంజలో ఉందని ఎమ్మేల్యే స్పష్టం చేశారు.