Niharika: మెగా డాటర్ నిహారిక గురించి ప్రత్యేకంగా చెప్పాల్సిన పనిలేదు యాంకర్ గా ఇండస్ట్రీకి పరిచయమైనటువంటి నిహారిక ప్రస్తుతం హీరోయిన్ గాను నిర్మాతగాను కొనసాగుతూ ఇండస్ట్రీలో ఎంతో బిజీగా గడుపుతున్నారు. ఇలా కెరియర్ పరంగా ఇండస్ట్రీలో ఎంతో బిజీగా ఉన్నటువంటి నిహారిక ఇటీవల ఒక ఇంటర్వ్యూలో పాల్గొన్నారు..ఈ ఇంటర్వ్యూ సందర్భంగా నిహారిక తనకు సంబంధించిన ఎన్నో విషయాలను అభిమానులతో పంచుకున్నారు.

నిహారిక తన తండ్రి నాగబాబు సపోర్టుతో ఇండస్ట్రీలోకి అడుగు పెట్టారు. అయితే కెరియర్ మొదట్లో ఈమె ఈటీవీలో ప్రసారమవుతున్నటువంటి ఢీ డాన్స్ షో కార్యక్రమానికి వ్యాఖ్యాతగా వ్యవహరించారు. ఇలా పలు సీజన్లకు నిహారిక యాంకర్ గా వ్యవహరిస్తూ పెద్ద ఎత్తున ప్రేక్షకులను ఆకట్టుకున్నారు.

ఇక తాజాగా ఈ ఇంటర్వ్యూ సందర్భంగా తన ఫస్ట్ రెమ్యూనరేషన్ గురించి ఈమె ఆసక్తికర విషయాలను వెల్లడించారు. తాను ఈ కార్యక్రమానికి యాంకర్ గా వ్యవహరిస్తున్న సమయంలో ఒక్కో ఎపిసోడ్ కి 20వేల రూపాయల వరకు తనుకు రెమ్యూనరేషన్ ఇచ్చే వారని తెలిపారు. అప్పట్లో ఆ రెమ్యూనరేషన్ అంటే తక్కువ ఏం కాదని చెప్పాలి.

అమ్మానాన్నలకు గిఫ్ట్…
ఇలా ఇచ్చిన రెమ్యూనరేషన్ నేను నాన్నకు ఇచ్చే దానిని నాన్న వాటిని డిపాజిట్ చేసి పెట్టారని నిహారిక తెలిపారు. ఇక నాకు వచ్చినటువంటి మొదటి రెమ్యూనరేషన్ తో అమ్మానాన్నలకు కూడా గిఫ్ట్ ఇచ్చానని ఈమె తెలిపారు నాన్నకు పాటలు వినడం అంటే చాలా పిచ్చి అందుకే నాన్న కోసం హెడ్ ఫోన్స్ కొన్నానని ఆయన మొబైల్ లో పాటలు వింటూ రిలాక్స్ అయ్యే వారిని తెలిపారు. అమ్మకు ముక్కు పుడక అంటే చాలా ఇష్టం కావడంతో తనకు గోల్డ్ ముక్కుపుడక గిఫ్ట్ గా ఇచ్చానని నిహారిక తెలిపారు.