ప్రీమియర్లలోనే ‘పెద్ది’ రికార్డ్ కలెక్షన్లు.. వరల్డ్‌వైడ్‌గా ఎంత వసూలు చేసిందంటే!

మెగా పవర్ స్టార్ రామ్ చరణ్ నటించిన తాజా రూరల్ స్పోర్ట్స్ డ్రామా ‘పెద్ది’ జూన్ 4న ప్రపంచవ్యాప్తంగా భారీ స్థాయిలో థియేటర్లలో విడుదలై మంచి రెస్పాన్స్ అందుకుంటోంది. బుచ్చిబాబు సన దర్శకత్వంలో తెరకెక్కిన ఈ సినిమాపై విడుదలకు ముందే భారీ అంచనాలు ఉండగా, ప్రీమియర్ షోల నుంచే ఆ అంచనాలను అందుకుంటూ బాక్సాఫీస్ వద్ద సెన్సేషన్ క్రియేట్ చేసింది.

జూన్ 3న జరిగిన ప్రీమియర్ షోల ద్వారా ‘పెద్ది’ సినిమా ప్రపంచవ్యాప్తంగా సుమారు రూ.21 కోట్ల గ్రాస్ వసూళ్లు సాధించినట్లు ట్రేడ్ వర్గాలు చెబుతున్నాయి. ఇందులో ఆంధ్రప్రదేశ్‌లోనే రూ.10 కోట్లకు పైగా, తెలంగాణలో సుమారు రూ.6 కోట్లు, కర్ణాటకలో దాదాపు రూ.3 కోట్లు రాబట్టినట్లు సమాచారం. ఓవరాల్‌గా ఇండియా వైడ్‌గా భారీ ఓపెనింగ్ నమోదు చేసుకుంది.

విదేశీ మార్కెట్లలో కూడా ‘పెద్ది’కి మంచి స్పందన లభించిందని తెలుస్తోంది. దీంతో వరల్డ్‌వైడ్‌గా మొత్తం ప్రీమియర్ కలెక్షన్లు సుమారు రూ.38 కోట్లకు చేరుకున్నట్లు ట్రేడ్ అనలిస్టులు అంచనా వేస్తున్నారు. ఈ రేంజ్ ఓపెనింగ్‌తో ‘పెద్ది’ టాలీవుడ్‌లో రెండో అతిపెద్ద ప్రీమియర్ ఓపెనింగ్‌గా నిలిచిందని సినీ వర్గాల్లో చర్చ జరుగుతోంది.

థియేటర్లలో ఉదయం షో నుంచే సినిమాకు మాస్ ఆడియన్స్ నుంచి భారీ స్పందన లభిస్తోంది. చాలా చోట్ల అభిమానులు డప్పులు, బాణసంచాలతో సంబరాలు జరుపుకుంటూ థియేటర్ల వద్ద పండుగ వాతావరణం సృష్టిస్తున్నారు. సినిమా చూసిన ప్రేక్షకులు సోషల్ మీడియాలో తమ అభిప్రాయాలను పంచుకుంటూ పాజిటివ్ టాక్‌ను వ్యాప్తి చేస్తున్నారు.

రామ్ చరణ్ నటనకు, యాక్షన్ సీక్వెన్స్‌లకు మంచి ప్రశంసలు లభిస్తున్నాయి. ఆయనకు జోడీగా జాన్వీ కపూర్ నటించగా, శివరాజ్ కుమార్, జగపతి బాబు కీలక పాత్రల్లో కనిపించారు. ఏఆర్ రెహమాన్ అందించిన బ్యాక్‌గ్రౌండ్ స్కోర్ సినిమాకు ప్రధాన హైలైట్‌గా నిలుస్తోందని ప్రేక్షకులు చెబుతున్నారు.