కూతురు పెళ్లి గురించి సంచలన వ్యాఖ్యలు చేసిన నటుడు ప్రకాష్ రాజ్.. పెళ్లి కి కావలసిన డబ్బు ఇస్తాను కానీ..?

సినీ ప్రేక్షకులకు నటుడు ప్రకాష్ రాజ్ గురించి ప్రత్యేకంగా చెప్పాల్సిన పనిలేదు.ఎన్నో అద్భుతమైన సినిమాలను విలక్షణ నటుడిగా క్యారెక్టర్ ఆర్టిస్టుగా ఎన్నో అవార్డులను అందుకొని ఎంతో పేరు ప్రఖ్యాతలు సంపాదించుకున్న ప్రకాష్ రాజ్ అందరికీ సుపరిచితమే. గత కొద్ది రోజుల క్రితం జరిగిన ఎన్నికలలో భాగంగా ప్రకాష్ రాజు పోటీ చేసి ఓడిపోయిన సంగతి తెలిసిందే.

ఇక మా ఎన్నికల అనంతరం ప్రకాష్ రాజు ఇంటర్వ్యూలో మాట్లాడుతూ తన కూతుర్ల గురించి సంచలన వ్యాఖ్యలు చేశారు. తన మొదటి భార్య లలిత కుమారికి ఇద్దరు కూతుర్లు ఒక కొడుకు సంతానం.అయితే ఓ ప్రమాదంలో తన కొడుకు ఐదు సంవత్సరాల వయస్సు ఉన్నప్పుడే మృతిచెందాడు. ఇదిలా ఉండగా తన మొదటి భార్యతో పలు మనస్పర్ధలు రావడం చేత ప్రకాష్ రాజ్ తనకు విడాకులు ఇచ్చిన సంగతి తెలిసిందే.

ఇలా మొదటి భార్యకు విడాకులు ఇచ్చిన ప్రకాష్ రాజ్ 2010వ సంవత్సరంలో డాన్సర్ పోనీ వర్మను పెళ్లి చేసుకున్నారు. ప్రస్తుతం వీరికి ఒక బాబు.ఇక తన మొదటి భార్య పిల్లల గురించి మాట్లాడుతూ పలు ఆసక్తికరమైన వ్యాఖ్యలు చేశారు. తన పెద్ద కూతురు పూజ చదువును పూర్తి చేసుకుందని ప్రకాష్ రాజ్ తన పెళ్లి గురించి సంచలన వ్యాఖ్యలు చేశారు.

తన పెద్ద కూతురు పెళ్లికి కావాల్సినంత డబ్బులు ఇస్తాను కానీ పెళ్లికి మాత్రం వారు పిలిస్తేనే వెళ్తానని ఈ సందర్భంగా ప్రకాష్ పేర్కొన్నారు.ఇదే విషయాన్ని తన పెద్ద కూతురికి కూడా చెప్పడంతో అందుకు తాను కూడా ఒప్పుకున్నట్లు ఈ సందర్భంగా ప్రకాష్ రాజ్ వెల్లడించారు.