Rashmika: రష్మిక మందన్న పరిచయం అవసరం లేని పేరు ప్రస్తుతం భాషతో సంబంధం లేకుండా వరుస భాషా చిత్రాలలో నటిస్తూ కెరియర్ పరంగా ఎంతో బిజీగా ఉన్నటువంటి రష్మిక తాజాగా సోషల్ మీడియా వేదికగా బుంగమూతి పెట్టుకుని సెల్ఫీలకు పోజులిస్తూ ఉన్నటువంటి ఫోటోలను సోషల్ మీడియాలో షేర్ చేశారు.
ఈ ఫోటోలను షేర్ చేసినటువంటి ఈమె అభిమానులతో సరదాగా ముచ్చటించారు. ఇటీవల కాలంలో పని ఎక్కువగా ఉండటం వల్ల తాను అభిమానులతో మాట్లాడలేకపోతున్నానని తెలిపారు. మీరందరూ కూడా కామెంట్ల రూపంలో ఇప్పటివరకు జరిగిన విశేషాలు అన్నిటిని తనతో పంచుకోమని తెలిపారు. అలాగే వాలెంటైన్స్ డే ప్లాన్స్ కూడా తనకు చెప్పమని తెలిపారు.
ఇలా వాలెంటైన్స్ డే ప్లానింగ్ ఏంటి అంటూ రష్మిక ప్రశ్నించడంతో వెంటనే ఈమె ఫాలోవర్స్ ఒకరు. ఈ ఏడాది వాలెంటైన్స్ డేకు మీరు ఎలాంటి ప్లాన్స్ చేశారు అంటూ ఈమెను ప్రశ్నించారు. ఈ ప్రశ్నకు రష్మిక సమాధానం చెబుతూ పెద్దగా ప్లాన్స్ ఏమీ లేవు రొటీన్ వర్క్ ఉంటుంది అంటూ స్మైల్ ఎమోజీలను షేర్ చేశారు.
విజయ్ దేవరకొండతో ప్లాన్స్ ఏంటీ…
ఈ వ్యాఖ్యలపై కొందరు నెటిజన్స్ స్పందిస్తూ విజయ్ దేవరకొండతో ఎలాంటి ప్లాన్స్ చేయలేదా రష్మిక అంటూ కామెంట్స్ చేస్తున్నారు. గత కొంతకాలంగా విజయ్ దేవరకొండ రష్మిక ప్రేమలో ఉన్నారు అంటూ సోషల్ మీడియాలో పెద్ద ఎత్తున వార్తలు వస్తున్నటువంటి తరుణంలో పలువురు నేటిజన్స్ ఈమె పట్ల ఇలాంటి కామెంట్స్ చేస్తున్నారు. ప్రస్తుతం రష్మిక షేర్ చేసిన ఈ ఫోటోలు వైరల్ అవుతున్నాయి.