Sree Bharath: ఒంటరైన బాలయ్య చిన్న అల్లుడు శ్రీ భరత్.. నందమూరి సపోర్ట్ ఎక్కడ లేదుగా?

Sree Bharath: నందమూరి బాలయ్య చిన్నల్లుడు తెలుగుదేశం యువ నాయకుడు శ్రీ భరత్ ఒంటరి వారు అయ్యారా అంటే అవుననే తెలుస్తుంది. ఈయన వైజాగ్ పార్లమెంట్ అభ్యర్థిగా గత ఎన్నికలలో పోటీ చేశారు. అయితే గత ఎన్నికలలో భాగంగా ఈయనకు నారా నందమూరి కుటుంబాల నుంచి భారీ స్థాయిలో మద్దతు లభించింది.

ఈ విధంగా గత ఎన్నికలలో ఈయనకు భారీ ఎత్తున మద్దతు లభించిన అక్కడ మాత్రం గెలుపు అందుకోలేకపోయారు. అయితే ఈసారి కూడా బిజెపిని కాదని ఎన్నో త్యాగాలు చేసిన అనంతరం చంద్రబాబు నాయుడు బాలయ్య చిన్నల్లుడు భరత్ కి విశాఖ ఎంపీగా టికెట్ ఇచ్చారు. అయితే ఈయన ఈసారి గెలుస్తారనే దీమాతో అందరూ ఉన్నారు కానీ ప్రస్తుతం ఇక్కడ రాజకీయాలు పూర్తిగా మారిపోయాయి.

విశాఖను రాజధానిగా చేస్తానని సీఎం జగన్మోహన్ రెడ్డి ప్రజలలోకి బలంగా తీసుకువెళ్లారు. ఇదే ఈయనకు మైనస్ గా మారిందని తెలుస్తుంది అంతేకాకుండా ఇక్కడ గెలుస్తామా లేదా అన్న నమ్మకాలు తెలుగుదేశం పార్టీ అధినేతలలో కూడా ఉన్నాయని అందుకే ఇక్కడ పార్టీ తరఫున మద్దతు తెలియజేయడానికి నారా నందమూరి కుటుంబాలు ముందుకు రావడం లేదని తెలుస్తుంది. కూటమి తరపున పవన్ కళ్యాణ్ ప్రచారం చేసినప్పటికీ పెద్దగా జనాలలోకి అది వెళ్లలేదని చెప్పాలి.

ఒంటరి పోరాటం..
ఇక భరత్ దూకుడు స్వభావం లేనటువంటి నాయకుడు కావడంతో ప్రచార కార్యక్రమాలలో కూడా వెనుకబడ్డారు. ఇక ఈయన క్యాడర్ తన వైపు తిప్పుకోవడం, లోకల్ గా ఉన్నటువంటి నాయకులను దగ్గరకు చేర్చుకొని వారితో కలిసి ముందుకు వేస్తూ ప్రచార కార్యక్రమాలను చేయటంలో పూర్తిగా విఫలమయ్యారని తెలుస్తోంది. మరి ఒంటరిగానే తన భార్య తేజస్వినితో కలిసి ప్రచార కార్యక్రమాలను నిర్వహిస్తున్నటువంటి భరత్ ఈసారి ఎలాంటి సక్సెస్ అందుకుంటారు అనేది ఆసక్తిగా నెలకొంది.