Actor Nitin: బీజేపీ నేతలు ఈ మధ్యకాలంలో వరుసగా టాలీవుడ్ హీరోలను కలిసి వారితో పెద్ద ఎత్తున సంప్రదింపులు జరపడంతో రాష్ట్ర రాజకీయాలలో తీవ్ర చర్చలు మొదలయ్యాయి.ఈ క్రమంలోనే కేంద్ర హోం శాఖ మంత్రి అమిత్ షా ఎన్టీఆర్ ని కలవడంతో పెద్ద ఎత్తున ఈ భేటీ పై చర్చలు మొదలయ్యాయి. ఇక ఎన్టీఆర్ అమిత్ షా భేటీ అనంతరం రెండు రోజులకే బీజేపీ జాతీయ అధ్యక్షులు నడ్డా యంగ్ హీరో నితిన్ కలిసిన విషయం మనకు తెలిసిందే.

ఈ విధంగా జాతీయ అధ్యక్షుడు నితిన్ ను కలవడంతో నితిన్ కూడా రాజకీయాలపై ఆసక్తి కనబరుస్తున్నారని ఈ క్రమంలోని ఈయన నితిన్ ను కలిసారు అంటూ వార్తలు వచ్చాయి. అయితే తాజాగా వస్తున్న సమాచారం ప్రకారం నిజానికి బీజేపీ నేత నడ్డా కలవాల్సింది యంగ్ హీరో నితిన్ ను కాదట. యంగ్ హీరో నిఖిల్ ను కలవబోయి పొరపాటున నితిన్ ను కలిసినట్టు తెలుస్తుంది.

సాధారణంగా రాజకీయాలలో ఈ విధమైనటువంటి చిన్న చిన్న పొరపాట్లు దొర్లడం సర్వసాధారణం. ఈ క్రమంలోనే పలు కమ్యూనికేషన్స్ లోపం వల్ల ఈ నాయకుడు నిఖిల్ కి బదులు నితిన్ ను కలిసారని తెలుస్తోంది. ఇకపోతే నిఖిల్ ను బీజేపీ నేతలు ఎందుకు భేటీ కావాలనుకున్నారు అనే విషయానికి వస్తే తాజాగా ఆయన నటించిన కార్తికేయ 2 సినిమా మంచి విజయం సాధించిన సంగతి తెలిసిందే.

Actor Nitin: నితిన్ స్థానంలో కలవాల్సింది నిఖిల్ …

ఈ క్రమంలోనే సినిమా విజయం పై ప్రశంసలు కురిపించాలన్న నేపథ్యంలో బీజేపీ జాతీయ అధ్యక్షుడు నడ్డా నిఖిల్ ను కలవాల్సింది పోయి నితిన్ ను కలిసారని తెలుస్తుంది. అయితే ఇలా పొరపాటున నితిన్ కలవడంతో బీజేపీ నేతలు నితిన్ ను అవమాన పరిచినట్లేనని పలువురు భావిస్తున్నారు. ఇకపోతే రాష్ట్ర రాజకీయాలలో నితిన్ కంటే నిఖిల్ ఎక్కువగా యాక్టివ్ గా ఉంటారు. ఇక వీరిద్దరూ కూడా పవన్ కళ్యాణ్ అభిమానులు కావడం విశేషం. అయితే ఈ హీరోల విషయంలో జరిగిన పొరపాటు గురించి ప్రస్తుతం సోషల్ మీడియాలో తెలియడంతో అసలు ఇదేమి ట్విస్ట్ అంటూ నేటిజన్స్ ఆశ్చర్యపోతున్నారు.