Actress Hema: తెలుగు సినిమా ఇండస్ట్రీలో క్యారెక్టర్ ఆర్టిస్టుగా ఎంతో మంచి గుర్తింపు సంపాదించుకున్నటువంటి వారిలో నటి హేమ ఒకరు.ఈమె ఇండస్ట్రీలో ఎన్నో సినిమాలలో యంగ్ హీరో హీరోయిన్లకు అక్క పిన్ని వదిన పాత్రలలో నటిస్తూ సందడి చేశారు. ఇలా క్యారెక్టర్ ఆర్టిస్ట్ గా ఎంతో మంచి గుర్తింపు సంపాదించుకున్న ఈమె ప్రస్తుతం సినిమాలకు కాస్త దూరంగా ఉన్నారు.
ఇకపోతే సినిమాలకు దూరంగా ఉన్నటువంటి ఈమె సోషల్ మీడియాలో కూడా చాలా యాక్టివ్ గా ఉంటారు. అయితే తనకు సంబంధించిన అన్ని విషయాలను సోషల్ మీడియా ద్వారా షేర్ చేస్తూ సందడి చేస్తున్నారు. ఇకపోతే తాజాగా నటి హేమ హైదరాబాద్ సైబర్ క్రైమ్ పోలీసులను ఆశ్రయించి పలువురుపై ఫిర్యాదు చేసినట్లు తెలుస్తుంది. ఇలా ఈమె ఎవరిపై ఫిర్యాదు చేసింది ఫిర్యాదు చేయడానికి కారణం ఏంటి అనే విషయానికి వస్తే…
గత కొద్ది రోజుల క్రితం హేమ తన పెళ్లి రోజును జరుపుకున్నారు. ఇలా తన పెళ్లి రోజు వేడుకలలో భాగంగా ఇండస్ట్రీకి చెందిన పలువురు సెలబ్రిటీలు వచ్చారు. అయితే ఈ దంపతులు స్విమ్మింగ్ పూల్ లో కేక్ కట్ చేస్తూ ఒకరికొకరు లిప్ లాక్ పెట్టుకున్నారు.ఈ క్రమంలోనే ఇందుకు సంబంధించిన వీడియోలపై కొన్ని యూట్యూబ్ ఛానల్స్ విభిన్నమైన థంబ్ నెయిల్స్ పెడుతూ తమ పరువుకు భంగం కలిగిస్తున్నారని ఫిర్యాదులో పేర్కొన్నారు.
Actress Hema: యూట్యూబ్ ఛానల్ పై ఫిర్యాదు చేసిన నటి…
ఇలా తమ పరువు తీసినటువంటి సదరు యూట్యూబ్ ఛానల్ లపై యాక్షన్ తీసుకోవాలంటూ ఈమె హైదరాబాద్ సైబర్ క్రైమ్ పోలీసులను ఆశ్రయించింది. ఈ క్రమంలోనే ఈ వార్త సోషల్ మీడియాలో వైరల్ గా మారింది.టెక్నాలజీ అభివృద్ధి చెందిన తర్వాత చాలామంది తమ ఛానల్ కు మంచి ఆదరణ రావాలన్న ఉద్దేశంతో ఇలా విభిన్నమైన థంబ్ నెయిల్ ద్వారా అందరి దృష్టిని ఆకర్షిస్తూ ఉంటారు. అయితే కొన్నిసార్లు ఇవి వారికి ఎంతో ఇబ్బందికరంగా మారుతూ ఉంటాయి. ఈ క్రమంలోనే కొందరు సదురు చానల్ పై చర్యలకు కూడా సిద్ధమవుతూ ఉంటారు.
Actress Hema: టాలీవుడ్ ఇండస్ట్రీలో నటిగా ఎంతో మంచి గుర్తింపు సంపాదించుకున్న హేమ దుర్గాష్టమి సందర్భంగా విజయవాడ కనకదుర్గమ్మ వారిని దర్శించుకున్నారు. ఈ క్రమంలోనే అమ్మవారి దర్శనం అనంతరం మీడియాతో మాట్లాడుతూ ప్రతి ఏడాది దుర్గాష్టమి రోజు అమ్మవారిని దుర్గమ్మగా దర్శనం చేసుకుంటున్నాను అయితే ఈ ఏడాది కూడా తనకు ఆ భాగ్యం కలిగినందుకు ఎంతో సంతోషంగా ఉందని వెల్లడించారు.
నా ప్రోటోకాల్ ప్రకారం ఈ రోజు అమ్మవారి దర్శనం కాదనుకున్నాను అయితే అమ్మవారి దర్శనం అయినందుకు చాలా సంతోషంగా ఉందని ఈ సందర్భంగా ఈమె మాట్లాడారు.ఇకపోతే ఈ కార్యక్రమంలో భాగంగా మీడియా మిత్రులకు ఈమె ప్రత్యేక ధన్యవాదాలు తెలిపారు.
నేరుగా అమ్మవారి దర్శనం చేసుకోలేనటువంటి భక్తులకు ఉదయం నుంచి సాయంత్రం వరకు లైవ్ లో అమ్మవారిని చూపిస్తున్నందుకు మీడియా బృందానికి కృతజ్ఞతలు తెలిపారు.ఈ క్రమంలోనే అమ్మవారి ఆశీస్సులు మీపై కూడా ఉండాలని అలాగే ప్రతి ఒక్కరిపై అమ్మ ఆశీస్సులు ఉండాలని ఈమె మాట్లాడారు. ఇంతవరకు అంతా సవ్యంగా సాగినప్పటికీ ఓ జర్నలిస్టు ఈమెను ప్రశ్నించడంతో హేమా ఒక్కసారిగా ఆ వ్యక్తిపై ఫైర్ అయ్యారు.
Actress Hema: 20వేల పట్టు చీర తీసుకొచ్చా..
మీరు ఫోటోగ్రాల్ ప్రకారమే వచ్చానని చెబుతున్నారు ఇంతకీ టికెట్ కొనుక్కొని వచ్చారా అంటూ ప్రశ్నించారు.ఇలా జర్నలిస్టు అడిగేసరికి ఆగ్రహం కట్టలు తెంచుకున్న హేమ నేను అమ్మవారికి 20వేల రూపాయలు పట్టుచీర తెచ్చాను, అలాగే హుండీలో 10000 వేశాను. అలాగే టికెట్టు కూడా కొనుక్కొని వచ్చాను ఇప్పుడు ఎందుకు దీనిని ఇంత రాద్ధాంతం చేస్తున్నారంటూ పెద్ద ఎత్తున మీడియా ప్రతినిధులపై హేమ ఆగ్రహం వ్యక్తం చేశారు.
Actress Hema: శనివారం బంజారాహిల్స్ లోని ఫుడింగ్ అండ్ మింక్ పబ్ పై పోలీసులు అనూహ్యంగా దాడి చేయడంతో ఎంతో మంది ప్రముఖుల పిల్లలను పోలీసులు అదుపులోకి తీసుకున్నారు. ఈ క్రమంలోనే మెగా డాటర్ నిహారిక ప్రముఖ సింగర్ రాహుల్ సిప్లిగంజ్ తో పాటు పలువురిని పోలీసులు అదుపులోకి తీసుకున్నారు.
Actress Hema: నాకు డ్రగ్స్ కి ఎలాంటి సంబంధం లేదు.. అసత్య ప్రచారాలు చేయకండి: నటి హేమ
ఈ క్రమంలోనే ఇలా అరెస్టు అయిన వారిలో నటి, క్యారెక్టర్ ఆర్టిస్ట్ హేమ కూడా ఉన్నట్లు పలు మీడియా సంస్థలలో వార్తలు చక్కర్లు కొడుతున్నాయి. ఈ పోలీస్ రైడ్ లో భాగంగా నటి హేమ కూడా అరెస్ట్ అయ్యారని వార్తలు రావడంతో హేమ ఈ వార్తలపై స్పందించారు.
Actress Hema: నాకు డ్రగ్స్ కి ఎలాంటి సంబంధం లేదు.. అసత్య ప్రచారాలు చేయకండి: నటి హేమ
ఈ సందర్భంగా తన గురించి లేనిపోని వార్తలు రావడంతో తనపై అసత్య ప్రచారాలు చేస్తున్న వారిపై బంజారాహిల్స్ పోలీస్ స్టేషన్లో ఫిర్యాదు చేయడానికి వెళ్లింది.పోలీసులకు ఫిర్యాదు చేసే ముందు హేమ మీడియాతో మాట్లాడుతూ తనపై అసత్య ప్రచారాలు చేస్తున్నారని వెల్లడించారు. అసలు తాను ఆ పబ్ కి వెళ్లలేదని, డ్రగ్స్ కేస్ అంటే ఆషామాషీ విషయం కాదని ఈమె వెల్లడించారు.
ఇక పబ్ కే వెళ్ళని నాకు ఆ కేసుతో ఎలాంటి సంబంధం లేదు కొందరు కావాలనే తనని బ్యాడ్ చేస్తున్నారని, లేనిపోని వార్తలను సృష్టిస్తున్నారని హేమ వెల్లడించారు. తనపై ఈ విధంగా అసత్య ప్రచారాలు చేస్తున్న వారిపై పోలీసులకు ఫిర్యాదు చేయడం కోసమే ఇక్కడికి వచ్చానని హేమ ఈ సందర్భంగా మీడియాతో ముచ్చటించారు.
Actress Hema: హేమ.. ప్రత్యేకంగా పరిచయం అక్కర లేని పేరు. క్యారెక్టర్ ఆర్టిస్ట్ గా వెండితెరకు పరిచయం అయింది. దాదాపుగా తెలుగు సినిమాల్లో ఆమె లేని సినిమా లేదంటే అతిశయోక్తి కాదు. క్యారెక్టర్ ఆర్టిస్ట్ గా, వదినగా, అత్తగా, అక్కగా ఇలా రకరకాల పాత్రల్లో సినిమాల్లో నటిస్తోంది.
Actress Hema: వామ్మో.. వందల కోట్ల ఆస్తి సంపాదించిన నటి హేమ.. ఇంకా సంపాదిస్తా అంటూ?
దాదాపుగా దశాబ్ధాలుగా సినిమాల్లో నటిస్తోంది. లాంగ్ స్టాండింగ్ గా ఇండస్ట్రీలో నిలుస్తోంది. ముఖ్యంగా బ్రహ్మానందానికి జోడీగా చేసిన క్యారెక్టర్లు హేమ కెరీర్ లోని ది బెస్ట్ అని చెప్పవచ్చు. అతడు సినిమాలో ఆమె చేసిన క్యారెక్టర్ ఎవరూ మరిచపోరు.
Actress Hema: వామ్మో.. వందల కోట్ల ఆస్తి సంపాదించిన నటి హేమ.. ఇంకా సంపాదిస్తా అంటూ?
అయితే ఆమె వందల కోట్ల ఆస్తులు సంపాదించిందని సోషల్ మీడియాలో వార్తలు వినిపిస్తున్నాయి. ఇటీవల హేమకు వందల కోట్లు ఉన్నాయంటూ.. సోషల్ మీడియాలో వార్తలు వైరల్ అయ్యాయి. అయితే ఓ ఇంటర్వ్యూలో దీనిపై క్లారిటీ ఇచ్చింది హేమ.
కెరీర్ మొదట్లో వేల రూపాయల్లో రెమ్యునరేషన్ తీసుకునే దాన్నని.. ఇప్పుడు సినిమాకు లక్ష రూపాయలు తీసుకుంటున్నానని వెల్లడించింది. అయితే అందరూ అనుకున్నంతగా తనకు వందల కోట్ల ఆస్తులేమీ లేవని ఆమె అన్నారు. అయితే కొంతలోకొంత మంచిగానే ఆస్తులు కూడ బెట్టినట్లు వెల్లడించింది. తన కూతురును సెటిల్ చేసేంతగా సంపాదించానని .. ఇప్పటికీ డబ్బు సంపాదిస్తూనే ఉన్నానని వెల్లడించింది. హేమ ఇటీవల మా ఎలక్షన్లలో కూడా పోటీ చేసింది. అయితే ఆ సమయంలో హేమ ప్రవర్తన కాస్త కాంట్రవర్సీకి కూడా దారి తీసింది. తన సహనటుడు శివబాలాజీని కోరికిందనే ఆరోపణలు వచ్చాయి.
Actress Hema: తెలుగు సినిమా ఇండస్ట్రీలో అక్కగా, పిన్నిగా, వదినగా ఎన్నో సినిమాలలో నటించి ఎంతోమంది తెలుగు ప్రేక్షకులను ఆకట్టుకున్న నటి హేమ గురించి అందరికీ తెలిసిందే. ఇలా వరుస సినిమాలతో ఎంత బిజీగా ఉన్న హేమ తాజాగా ఒక ఇంటర్వ్యూలో పాల్గొన్నారు. ఈ క్రమంలోనే ఆమె కెరియర్ మొదట్లో ఎన్నో అవమానాలను ఎదుర్కొన్నానని తెలిపారు.
Actress Hema: బట్టలు మార్చుకోవాలన్నా ఎంతో ఇబ్బందిగా ఉండేది… ఇప్పటికీ ఆ అవమానం మర్చిపోలేను: నటి హేమ
ఈ సందర్భంగా ఒక ఇంటర్వ్యూలో మాట్లాడిన హేమ కెరియర్ మొదట్లో ప్రొడక్షన్ బాయ్స్ చిన్న ఆర్టిస్టులను చాలా చులకనగా చూసేవారని… ఆవేదన వ్యక్తం చేశారు. ప్రస్తుతం అంటే ప్రతి ఒక్క ఆర్టిస్ట్ కి కేరవాన్ సదుపాయం ఉందని అప్పట్లో ఏ విధమైనటువంటి సదుపాయాలు లేకపోవడంతో ఎన్నో ఇబ్బందులు ఎదుర్కొన్నామని తెలిపారు.
Actress Hema: బట్టలు మార్చుకోవాలన్నా ఎంతో ఇబ్బందిగా ఉండేది… ఇప్పటికీ ఆ అవమానం మర్చిపోలేను: నటి హేమ
షూటింగ్ లొకేషన్ లో బట్టలు మార్చుకోవాలన్నా ఎంతో ఇబ్బంది పడాల్సిన పరిస్థితులు ఏర్పడ్డాయని… అప్పుడు ఇలాంటి వసతులూ ఉండేవి కాదని తెలిపారు.ఈ క్రమంలోనే భారతనారి అనే సినిమా షూటింగ్ చేస్తున్న సమయంలో అందరితో కలిసి భోజనం చేస్తుండగా ప్రొడక్షన్ బాయ్ వచ్చి మీరు ఇక్కడ కాదు భోజనం చేయాల్సింది అక్కడికి వెళ్లి భోజనం చేయండి అంటూ అందరి ముందు తనని అవమాన పరిచారని హేమ గత సంఘటనలను గుర్తు చేసుకున్నారు.
ఈ విధంగా భోజనం ముందు నుంచి లేపడంతో చాలా కోపం వచ్చిందని ఏకంగా టేబుల్ ఎత్తి తనపై వేద్దామా అని కోపంతో రగిలిపోయానని ఎప్పటికైనా వీరందరితో పాటు కలిసి భోజనం చేయాలని ఎంతో కష్టపడ్డానని హేమ తెలియజేశారు.అయితే ఇప్పటికి ఆ ప్రొడక్షన్ బాయ్ ఇండస్ట్రీలో ఉన్నారని కానీ ఒక సినిమా షూటింగ్ సమయంలో తనే స్వయంగా వచ్చి నాకు భోజనం కూడా వడ్డించారని తెలిపారు. ఇలా ఈ చేదు సంఘటనలను జీవితంలో ఎప్పటికీ మర్చిపోలేనని హేమ తెలియజేశారు.
మూవీ ఆర్టిస్ట్ అసోసియేషన్ (మా) ఎన్నికల్లో ప్రకాశ్‌ రాజ్‌పై మంచు విష్ణు పై ఘన విజయం సాధించిన సంగతి తెలిసిందే. అయితే మా ఎన్నికల్లో పోలింగ్ కేంద్రం వద్ద శివబాలాజీ చేయిని సినీ నటి హేమ కొరకడం చర్చకు దారి తీసింది.
పోలింగ్ కేంద్రంలోకి తాను వెళ్తున్న క్రమంలో శివబాలాజీ చెయ్యి అడ్డుగా పెట్టాడని.. చేయి తీయమంటే తీయలేదని అందుకే చేయి కొరకాల్సి వచ్చిందని హేమ క్లారిటీ ఇచ్చింది. కాగా హేమ కొరకడంతో శివబాలాజీ చేతిపై గాయం అయింది. ఇది సెప్టిక్ అవుతుందన్న భయంతో ఓటింగ్ అనంతరం నిమ్స్ కి వెళ్లారు. గాయానికి చికిత్స తీసుకున్నారు.
ఫ‌స్ట్ ఎయిడ్ కోసం ఆస్ప‌త్రికి వచ్చానని మీడియాతో శివబాలాజీ అన్నారు. హ్యూమ‌న్ బైట్ క‌దా అని టీటీ ఇంజెక్ష‌న్ వేయించుకున్నట్టు చెప్పారు. డాక్ట‌ర్లు తనకు యాంటిబ‌యోటిక్స్ ఇచ్చి.. క‌ట్టు క‌ట్టార‌ని తెలిపారు. అయితే ఈ ఘటనపై శివబాలాజీ భార్య మధుమిత తీవ్రంగా స్పందించారు. ఇలాంటి పనులు ఎవరైనా మనుషులు చేస్తారా.. మనుషులు చేసే పనులేనా అంటూ ఘాటుగా విమర్శించారు.
ఇంత కంటే తాను ఇంకేమి చెప్పను అంటూ అన్నారు. ఇక తన భర్త శివబాలాజీ గెలవడంపై హర్షం వ్యక్తం చేసింది మధుమిత. ఇలాంటి స్వార్థాలకు పోకుండా.. ఎలాంటి ద్వేశాలకు పోకుండా చేసే పనిలో నిమగ్నమైతే ఫలితాలు ఇలానే ఉంటాయన్నారు. నిస్వార్థంగా సేవ చేసినప్పుడే ప్రతిఫలం కచ్చితంగా ఉంటుందని ఆమె అన్నారు. ఈ ఎన్నికల్లో ‘మా’ కోశాధికారి (ట్రెజరర్)గా శివబాలాజీ పోటీ చేసి నాగినీడుపై విజయం సాధించారు.
గత రెండు రోజుల క్రితం నటి హేమ “మా” అసోసియేషన్ లో అవకతవకలు జరిగాయని, మా అసోసియేషన్ కు నిధులు సమకూర్చుకుండా ఉన్న నిధులను ఇష్టానుసారంగా ఖర్చు చేస్తున్నారంటూ ప్రస్తుతమున్న మా అధ్యక్షుడు నరేష్ పై సంచలన వ్యాఖ్యలు చేశారు. అదేవిధంగా ఎలక్షన్లు జరగకుండా మరికొన్ని రోజులపాటు తానే అధికారంలో ఉండాలని మా అధ్యక్షుడు భావిస్తున్నారని హేమ ఆరోపించారు.
ఈ క్రమంలోనే హేమ మా అధ్యక్షుడు గురించి సంచలన వ్యాఖ్యలు చేస్తున్నటువంటి ఆడియో టేప్ బయటకు వచ్చింది. అదేవిధంగా తక్షణమే మా ఎన్నికలు జరగాలని హేమ సంతకాల సేకరణ కూడా చేపట్టారు. ఈ విధంగా ఈమె చేసిన వ్యాఖ్యలపై సోమవారం మా అధ్యక్షుడు నరేష్, జీవిత స్పందిస్తూ నటి హేమకు కౌంటర్ వేశారు.
ఈ క్రమంలోనే మా పరిస్థితులు రోజు రోజుకు పెరుగుతుండటంతో ఈ విషయంపై మెగాస్టార్ చిరంజీవి సీరియస్ అయ్యారు. ఈ విధమైనటువంటి బహిరంగ ప్రకటనలు చేస్తూ మా ప్రతిష్టను దిగజారుస్తున్నారని, వారిపై చర్యలు తీసుకొని తక్షణమే ఎన్నికలు జరపాలంటూ చిరంజీవి క్రమశిక్షణ సంఘం అధ్యక్షుడు కృష్ణంరాజుకు లేఖ రాశారు.
ఈ విధంగా మెగాస్టార్ చిరంజీవి క్రమశిక్షణ సంఘానికి లేఖ రాయడంతో వెంటనే క్రమశిక్షణ సంఘం స్పందించి నటి హేమకు షోకాజ్ నోటీసులు జారీ చేసింది. ప్రస్తుతం ఉన్న మా అధ్యక్షుడు నరేష్ పై చేసిన ఆరోపణలకు ఆమెను వివరణ కోరుతూ షోకాజ్ నోటీసులను జారీ చేసింది. అదేవిధంగా తక్షణమే మా ఎన్నికలు కూడా జరిగేలా చర్యలు తీసుకుంటామని క్రమశిక్షణ సంఘం తెలియజేసింది. అయితే ఈ సారి మా ఎలెక్షన్ బరిలో మంచు విష్ణు, జీవిత రాజశేఖర్, ప్రకాష్ రాజ్, హేమ,సీవీఎల్‌ నర్సింహ రావు తదితరులు పోటీలో నిలబడ్డారు.
Top Telugu website in the world | Telugu Gossips | Breaking News Headlines, Latest Andhra News, Telangana News, India News, World News – Telugudesk.net
