Actress Hema: నాకు డ్రగ్స్ కి ఎలాంటి సంబంధం లేదు.. అసత్య ప్రచారాలు చేయకండి: నటి హేమ

Actress Hema: శనివారం బంజారాహిల్స్ లోని ఫుడింగ్ అండ్ మింక్ పబ్‌ పై పోలీసులు అనూహ్యంగా దాడి చేయడంతో ఎంతో మంది ప్రముఖుల పిల్లలను పోలీసులు అదుపులోకి తీసుకున్నారు. ఈ క్రమంలోనే మెగా డాటర్ నిహారిక ప్రముఖ సింగర్ రాహుల్ సిప్లిగంజ్ తో పాటు పలువురిని పోలీసులు అదుపులోకి తీసుకున్నారు.

ఈ క్రమంలోనే ఇలా అరెస్టు అయిన వారిలో నటి, క్యారెక్టర్ ఆర్టిస్ట్ హేమ కూడా ఉన్నట్లు పలు మీడియా సంస్థలలో వార్తలు చక్కర్లు కొడుతున్నాయి. ఈ పోలీస్ రైడ్ లో భాగంగా నటి హేమ కూడా అరెస్ట్ అయ్యారని వార్తలు రావడంతో హేమ ఈ వార్తలపై స్పందించారు.

ఈ సందర్భంగా తన గురించి లేనిపోని వార్తలు రావడంతో తనపై అసత్య ప్రచారాలు చేస్తున్న వారిపై బంజారాహిల్స్ పోలీస్ స్టేషన్లో ఫిర్యాదు చేయడానికి వెళ్లింది.పోలీసులకు ఫిర్యాదు చేసే ముందు హేమ మీడియాతో మాట్లాడుతూ తనపై అసత్య ప్రచారాలు చేస్తున్నారని వెల్లడించారు. అసలు తాను ఆ పబ్ కి వెళ్లలేదని, డ్రగ్స్ కేస్ అంటే ఆషామాషీ విషయం కాదని ఈమె వెల్లడించారు.

పబ్ కే వెళ్ళలేదు…

ఇక పబ్ కే వెళ్ళని నాకు ఆ కేసుతో ఎలాంటి సంబంధం లేదు కొందరు కావాలనే తనని బ్యాడ్ చేస్తున్నారని, లేనిపోని వార్తలను సృష్టిస్తున్నారని హేమ వెల్లడించారు. తనపై ఈ విధంగా అసత్య ప్రచారాలు చేస్తున్న వారిపై పోలీసులకు ఫిర్యాదు చేయడం కోసమే ఇక్కడికి వచ్చానని హేమ ఈ సందర్భంగా మీడియాతో ముచ్చటించారు.