Karthikeya 2: ప్రస్తుత కాలంలో ఒక సినిమా హిట్ అయింది అంటే దానికి సీక్వెల్ చిత్రం రావడం గమనార్హం. ఈ క్రమంలోనే 2014లో చందు మొండిటి దర్శకత్వంలో నిఖిల్ కలర్స్ స్వాతి జంటగా నటించిన చిత్రం కార్తికేయ. ఈ సినిమా అప్పట్లో మంచి విజయాన్ని అందుకుంది ఈ క్రమంలోనే ఈ సినిమాకి సీక్వెల్ చిత్రంగా కార్తికేయ 2 సినిమాని ప్రేక్షకుల ముందుకు తీసుకురానున్నారు.
ఇప్పటికే సినిమా షూటింగ్ పనులన్నిటిని పూర్తి చేసుకొని ఈనెల 13వ తేదీ ఈ సినిమా విడుదలకు సిద్ధమైంది. అయితే ఈ సినిమాలో నిఖిల్ సరసన కలర్స్ స్వాతి కాకుండా ఆమె స్థానంలోకి అనుపమ పరమేశ్వరన్ వచ్చారు.ఇలా అనుపమ పరమేశ్వరన్ ఈ సినిమాలో నటించడానికి గల కారణం ఏంటి అని పెద్ద ఎత్తున సందేహాలను వ్యక్తం చేశారు.కార్తికేయ సినిమాలో నటించిన కలర్ స్వాతిని కావాలని పక్కన పెట్టి ఆమె స్థానంలో ఈమెను తీసుకున్నారా అనే సందేహం కూడా వ్యక్తం చేశారు.
తాజాగా ఈ సినిమా ప్రమోషన్ కార్యక్రమాలలో భాగంగా పలు ఇంటర్వ్యూలకు హాజరవుతున్న హీరో నిఖిల్ కి సైతం ఇదే ప్రశ్న ఎదురైంది. ఈ క్రమంలోనే కలర్స్ స్వాతి స్థానంలో అనుపమ పరమేశ్వరన్ ను ఎందుకు తీసుకోవాల్సి వచ్చిందో ఈయన క్లారిటీ ఇచ్చారు. ఈ సందర్భంగా నిఖిల్ మాట్లాడుతూ కార్తికేయ సినిమాలో కలర్స్ స్వాతి నటన ఎంతో అద్భుతంగా ఉంది అయితే ఈ సినిమాలో ఆమెను తీసుకోకపోవడానికి ఒక కారణం ఉందనీ తెలిపారు.
Karthikeya 2: నార్త్ ఇండియన్ లుక్ కోసమే…
ఈ సినిమాలో హీరోయిన్ పాత్ర నార్త్ ఇండస్ట్రీకి చెందిన అమ్మాయి లుక్ కనిపించాల్సి ఉంటుంది. ఇక కలర్స్ స్వాతి అచ్చు తెలుగు అమ్మాయిలా ఉండటం వల్ల తనని ఈ పాత్ర నుంచి తప్పించి ఆమె స్థానంలో అనుపమ పరమేశ్వరన్ ను తీసుకున్నట్లు ఈ సందర్భంగా నిఖిల్ క్లారిటీ ఇచ్చారు. ప్రస్తుతం ఈయన హీరోయిన్ గురించి చేసిన ఈ కామెంట్స్ వైరల్ అవుతున్నాయి.ఇక ఈ సినిమా ఆగస్టు 13వ తేదీ విడుదల కావడంతో పెద్ద ఎత్తున ప్రమోషన్ కార్యక్రమాలను నిర్వహిస్తున్నారు ఇప్పటికే సినిమాపై భారీ అంచనాలు పెరిగాయి. మరి ఈ సినిమా ప్రేక్షకులను ఎలా ఆకట్టుకుంటుందో తెలియాల్సి ఉంది.
