Tag Archives: Directed by Surender Reddy

Akhil: ఏజెంట్ డిజాస్టర్ గురించి మొదటిసారిగా స్పందించిన అక్కినేని అఖిల్..?

Akhil: అక్కినేని నాగార్జున వారసుడు అక్కినేని అఖిల్ టాలీవుడ్ ఇండస్ట్రీలో హీరోగా అడుగు పెట్టినప్పటి నుండి ఇప్పటివరకు సరైన హిట్ అందుకోలేకపోతున్నాడు. ఇప్పటివరకు అఖిల్ నటించిన సినిమాలలో ఒక్కటి కూడా మంచి విజయం అందుకోలేకపోయాయి. ఈ క్రమంలో ఇటీవల విడుదలైన ఏజెంట్ సినిమా కూడా అక్కినేని కుటుంబ సభ్యులను , అభిమానులను నిరాశపరిచింది.

సురేందర్ రెడ్డి దర్శకత్వంలో భారీ బడ్జెట్ తో రూపొందిన ఈ సినిమా మీద ప్రేక్షకులు భారీ అంచనాలు పెట్టుకున్నారు. అయితే ఈ సినిమా విడుదలై అందరూ అంచనాలను తారుమారు చేసింది. ఈ సినిమాతో అఖిల్ అకౌంట్లో మరొక డిజాస్టర్ వచ్చి చేరింది. ఇదిలా ఉండగా ఏజెంట్ సినిమా డిజాస్టర్ గురించి తాజాగా అఖిల్ స్పందిస్తూ సోషల్ మీడియాలో ఇంట్రెస్టింగ్ పోస్ట్ షేర్ చేశాడు. ప్రస్తుతం ఈ పోస్ట్ సోషల్ మీడియాలో వైరల్ గా మారింది.

అఖిల్ షేర్ చేసిన ఈ నోట్ లో ” ఏజెంట్ సినిమా కోసం పని చేసిన ప్రతి ఒక్కరికీ నా ప్రత్యేక ధన్యవాదాలు. అలాగే ఈ సినిమా తెరకెక్కించడంలో తమ జీవితాలను అంకితం చేసిన వారికి కూడా కృతజ్ఞతలు. ఒక మంచి సినిమా అందించాలని ఈ సినిమా కోసం ఎంతో కష్టపడ్డాము. కానీ దురృష్టవశాత్తు మేము అనుకున్న స్థాయికి స్క్రీన్ పైకి తీసుకురాలేకపోయాం. ప్రేక్షకులకు మంచి చిత్రాన్ని ఇవ్వలేకపోయాం అంటూ రాసుకొచ్చాడు.

Akhil: మంచి సినిమాని ఇవ్వలేకపోయాం..


అలాగే మూవీ మొదలు పెట్టిన్పటి నుంచి నాకు ఎంతో అండగా నిలిచిన నిర్మాత అనీల్ కు నా కృతజ్ఞతలు. అభిమానులు, శ్రేయోభిలాషులు చూపించే ప్రేమ , అభిమానం వల్లే నేను ఇప్పటికీ కష్టపడి పనిచేస్తున్నా. నాపై నమ్మకం పెట్టుకున్న అభిమానుల కోసం నేను మరింత దూరంగా సిద్ధమై ఒక మంచి సినిమాతో ప్రేక్షకుల ముందుకి వస్తాను అంటూ నోట్ లో తెలియపరిచాడు. ప్రస్తుతం అఖిల్ షేర్ చేసిన ఈ నోట్ వైరల్ గా మారింది. అయితే అక్కినేని అభిమానులు కూడా అఖిల్ కి ధైర్యం చెబుతూ కామెంట్స్ చేస్తున్నారు.