Puri Jagannadh: టాలీవుడ్ ఇండస్ట్రీలో దర్శకుడిగా ఎంతో మంచి గుర్తింపు సంపాదించుకున్న పూరి జగన్నాథ్ తాజాగా లైగర్ సినిమా ద్వారా ప్రేక్షకుల ముందుకు వచ్చారు. ఎన్నో అంచనాల నడుమ పాన్ ఇండియా స్థాయిలో భారీ బడ్జెట్ తో ఈ సినిమా 25 వ తేదీ ప్రేక్షకుల ముందుకు వచ్చి మొదటి షో తోనే డిజాస్టర్ టాక్ సొంతం చేసుకుంది. ఇలా ఈ సినిమాపై ఎన్నో ఆశలు పెట్టుకున్న పూరి తన అంచనాలన్నీ ఒక్కసారిగా తారుమారయ్యాయి..

ఈ సినిమా కోసం పూరి జగన్నాథ్ సంపాదించినది మొత్తం ఖర్చు పెట్టారు. ఇక సినిమా విడుదలకు ముందు పెద్ద ఎత్తున ప్రమోషన్ కార్యక్రమాలను నిర్వహించి సినిమాపై భారీ అంచనాలు పెంచారు. ఈ క్రమంలోని ఈ సినిమా ఫ్రీ రిలీజ్ బిజినెస్ కూడా భారీగా జరిగింది.అయితే ఈ సినిమా డిజాస్టర్ కావడంతో డిస్ట్రిబ్యూటర్లు బయ్యర్లు ఈ సినిమా కోసం ఖర్చు చేసిన డబ్బును తిరిగి వెనక్కి ఇవ్వాలంటూ పూరి జగన్నాథ్ పై ఒత్తిడి తెస్తున్నారు.

ఇలా ఈ సినిమా భారీ డిజాస్టర్ కావడంతో నష్టాలలోకి వెళ్లిపోయిన పూరి జగన్నాథ్ ముంబై వదిలి హైదరాబాద్ వస్తున్నట్లు తెలుస్తోంది. లైగర్ సినిమా కోసం అలాగే తన తదుపరిచిత్రం జనగణమన సినిమా కోసం పూరి జగన్నాథ్ ఎక్కువగా ముంబైలోనే నివసిస్తున్నారు. ఈ క్రమంలోనే ఈయన సి ఫేస్ 4 బిహెచ్ కే ఫ్లాట్ అద్దెకు తీసుకున్నారట.ఈ ఫ్లాట్ కి నెలకు పది లక్షల చొప్పున అద్దె చెల్లించడమే కాకుండా ఇతరతా ఖర్చులు కలిపి సుమారు 15 లక్షల వరకు ఖర్చులు వస్తున్నట్లు తెలుస్తోంది.

Puri Jagannadh: ఆగిపోయిన జనగణమన….

లైగర్ సినిమా వల్ల భారీ నష్టాలను ఎదుర్కొన్న పూరి జగన్నాథ్ ముంబైలో నివసిస్తూ నెలకు 10 లక్షల అద్దె కట్టడం అసాధ్యమైన పని కావడంతో ఈయన ముంబైలో తన ఫ్లాట్ కాళీ చేస్తున్నట్లు తెలుస్తోంది. ఏది ఏమైనా లైగర్ సినిమా పూరి జగన్నాథ్ పై భారీ దెబ్బ కొట్టిందని ఇదే సినిమా కనుక హిట్ అయి ఉంటే పూరి జగన్నాథ్ పర్మినెంట్ గా ముంబైలోనే నివసించే వారనీ తెలుస్తోంది. ఇక లైగర్ ఫ్లాప్ కావడంతో జనగణమన సినిమా కూడా ఆగిపోయిందనే సమాచారం వినబడుతుంది.