Singer Revanth: తెలుగు బుల్లితెర పై బిగ్ బాస్ సీజన్ సిక్స్ కార్యక్రమం ఎంతో ఘనంగా ప్రారంభమైంది. ఇక ఈ కార్యక్రమంలోకి ఒక్కో కంటెస్టెంట్ ఎంత ఘనంగా ఎంట్రీ ఇచ్చారు. ఈ క్రమంలోనే 21వ కంటెస్టెంట్ గా బిగ్ బాస్ లోకి సింగర్ రేవంత్ ఎంట్రీ ఇచ్చారు. ఇలా వేదికపైకి రేవంత్ రాగానే నాగార్జున రేవంత్ మంచి ప్లే బాయ్ అంట కదా అంటూ పంచ్ వేశారు. నాగార్జున ఇలా అడిగేసరికి వెంటనే రేవంత్ సర్ ఈషో మా ఆవిడ చూస్తుంది అంటూ బదులిచ్చారు.   ఇక బిగ్ బాస్ కార్యక్రమానికి రావడంతో తన భార్యను చాలా మిస్ అవుతున్నానని రేవంత్ ఈవేదికపై చెప్పడంతో నాగార్జున రేవంత్ కు చిన్న సర్ప్రైస్ ఇస్తూ తన భార్యను వేదిక పైకి తీసుకువచ్చారు.అయితే ప్రస్తుతం తాను సిక్స్ మంత్స్ ప్రెగ్నెంట్ అని తెలియజేయడమే కాకుండా ఈ సమయంలో బిగ్ బాస్ కార్యక్రమానికి రావాలా వద్దా అంటూ చాలా సార్లు ఆలోచించాలని రేవంత్ తెలిపారు.     అయితే తన భార్య బలవంతం చేయడంతోనే తాను ఈ కార్యక్రమంలోకి వచ్చానని ఎలాగైనా టైటిల్ గెల్చుకొని బయటికి వెళ్తానంటూ ఈయన ధీమా వ్యక్తం చేశారు. ఇకపోతే ఇలాంటి సమయంలో తన భార్య పక్కన ఉండాల్సిన తాను బిగ్ బాస్ హౌస్ లో ఉంటున్నానని తన భార్యను చాలా మిస్ అవుతున్నాను అంటూ ఈ సందర్భంగా రేవంత్ కన్నీళ్లు పెట్టుకొని ఎమోషనల్ అయ్యారు.  

Singer Revanth: ఇండియన్ ఐడల్ విజేతగా గుర్తింపు….

ఇకపోతే ఈయన ప్లే బ్యాక్ సింగర్ గా ఇండస్ట్రీలో ఎంతో మంచి గుర్తింపు సంపాదించుకున్నారు. అదేవిధంగా రేవంత్ ఇండియన్ ఐడల్ విజేతగా కూడా మంచి పేరు సంపాదించుకున్నారు. ఇలా ఇండస్ట్రీలో సింగర్ గా రేవంత్ కీరవాణి, చక్రి, మణిశర్మ, తమన్ వంటి ప్రముఖ సంగీత దర్శకుల సారథ్యంలో ఎన్నో అద్భుతమైన పాటలను ఆలపించి గుర్తింపు సంపాదించుకున్న ఈయన బిగ్ బాస్ లోకి అడుగుపెట్టారు. అయితే ఎలాగైనా టైటిల్ గెల్చుకోవాలనే కసితో లోపలికి వెళ్లిన రేవంత్ ఎలా ప్రేక్షకులను ఎంటర్టైన్ చేస్తారో తెలియాల్సి ఉంది.