RRR Movie: దర్శక ధీరుడు ఎస్ఎస్ రాజమౌళి దర్శకత్వంలో ఎంతో ప్రతిష్టాత్మకంగా తెరకెక్కిన చిత్రం RRR.ఈ సినిమా పాన్ ఇండియా స్థాయిలో ఎంతో మంచి ఆదరణ సంపాదించుకోవడమే కాకుండా అంతర్జాతీయ స్థాయిలో కూడా అంతే ఆదరణ సంపాదించుకొని ఎన్నో అవార్డులను అందుకున్నారు.ఇలా ఈ సినిమాకు ఇప్పటికే ఎన్నో పురస్కారాలు రాగా తాజాగా నాటు నాటు పాటకు గాను గోల్డెన్ గ్లోబ్ అవార్డు వచ్చిన విషయం తెలిసిందే.

ఇలా దేశం గర్వించేదగ్గ అత్యంత ప్రతిష్టాత్మకమైన పురస్కారాన్ని అందుకున్నటువంటి ఈ సినిమాపై అలాగే చిత్ర బృందంపై ఎంతో మంది సినీ రాజకీయ ప్రముఖులు స్పందించి వీరికి శుభాకాంక్షలు తెలియజేశారు. దేశానికి గర్వకారణం అంటూ ప్రధాని మోడీ కూడా ఈ సినిమా విజయంపై ప్రశంసలు కురిపించి అభినందనలు తెలిపారు.

ఇక ఈ సినిమాలో నటించిన బాలీవుడ్ సెలబ్రిటీలు అలియాభట్,అజయ్ దేవగన్ సెలబ్రిటీలు కూడా సోషల్ మీడియా వేదికగా తెలియజేస్తూ తమ ఆనందాన్ని వ్యక్తపరిచారు. అయితే ఈ సినిమాలో ఎన్టీఆర్ కు హీరోయిన్ గా నటించిన ఒలీవియా మోరిస్ మాత్రం ఇప్పటివరకు గోల్డెన్ గ్లోబ్ అవార్డుపై స్పందించలేదు.

RRR Movie: నాటు నాటు పాటలో మెరిసిన ఒలీవియా….

నిజానికి ఈ సినిమాలో నటి ఆలియా కన్నా ఈమెకే ఎక్కువ స్క్రీన్ స్పేస్ ఉంది అంతే కాకుండా గోల్డెన్ గ్లోబ్ అవార్డు అందుకున్నటువంటి నాటు నాటు పాటలో కూడా ఒలీవియా మోరిస్ సందడి చేస్తూ చిందులు వేశారు.ఇలా ఎంతో ప్రతిష్టాత్మకమైన పురస్కారాన్ని అందుకున్నటువంటి ఈ సినిమా విజయం పై ఇప్పటివరకు ఒలీవియా మోరిస్ స్పందించకపోవడంతో ఈమె మౌనం వెనుక ఉన్న కారణం ఏంటి అని నేటిజన్స్ సందేహాలు వ్యక్తపరుస్తున్నారు.