Super Star Krishna: సూపర్ స్టార్ కృష్ణ ఈ పేరు గురించి పరిచయం అవసరం లేదు టాలీవుడ్ ఇండస్ట్రీలో గొప్ప నటుడిగా ఎంతో మంచి పేరు సంపాదించుకున్న కృష్ణ ప్రస్తుతం వయసు పై పడటంతో ఈయన సినిమాలకు పూర్తిగా స్వస్తి పలికి విశ్రాంతి తీసుకుంటున్నారు.ఇకపోతే కృష్ణ కుమార్తె మంజుల యూట్యూబ్ ఛానల్ ద్వారా ఇదివరకే కృష్ణ గారిని ఎన్నో ఇంటర్వ్యూలు చేసిన విషయం మనకు తెలిసిందే.
ఇకపోతే ప్రస్తుతం యూట్యూబ్ ఛానల్ స్టార్ట్ చేసిన ప్రతి ఒక్కరు కూడా వారి హోమ్ టూర్లను వారికి సంబంధించిన వారి హోమ్ టూర్ చేయడం అలవాటుగా మారిపోయింది.ఈ క్రమంలోనే కృష్ణ కూతురు మంజుల ఘట్టమనేని సైతం తన తండ్రి కృష్ణ గారి హోమ్ టూర్ వీడియో చేశారు. ప్రస్తుతం ఈ వీడియోకి సంబంధించిన ప్రోమో విడుదల చేశారు.
కృష్ణ హోమ్ టూర్ వీడియోకి సంబంధించిన ఈ ప్రోమో సోషల్ మీడియాలో వైరల్ గా మారింది. అయితే ఈ వీడియో చూస్తే మాత్రం ప్రతి ఒక్కరికి ఇంద్ర భవనం తలపించక మానదు.సకల సౌకర్యాలతో ఎంతో విలాసవంతమైన ఈ ఇంటిని చూడటానికి రెండు కళ్ళు సరిపోవని చెప్పాలి. ఈ ఇంటిలో విజయనిర్మల గారి విగ్రహంతో పాటు కృష్ణ సినిమాలలో అందుకున్న అవార్డులు అందరినీ ఆకట్టుకుంటున్నాయి.
ఆకట్టుకున్న విజయనిర్మల విగ్రహం…
ఇక ఇంద్ర భవనం లాంటి ఈ ఇంటిలో అన్ని సదుపాయాలు ఉన్నట్టు తెలుస్తుంది. అదేవిధంగా కృష్ణ గ్యారేజ్ లో ఉన్న కార్లను కూడా మంజుల ఈ ప్రోమో ద్వారా చూపించారు. ప్రస్తుతం కృష్ణ ఇంటికి సంబంధించిన ఈ ప్రోమో వీడియో సోషల్ మీడియాలో వైరల్ గా మారింది. త్వరలోనే ఈ ఇంటికి సంబంధించిన పూర్తి వీడియోని షేర్ చేయనున్నట్లు సమాచారం. మరింకెందుకు ఆలస్యం కృష్ణ గారి ఇంద్రభవనం పై మీరు ఓ లుక్ వేయండి.
