ప్రస్తుతం కరోనా విజృంభిస్తున్న సమయంలో ప్రతి ఒక్కరూ ఈ మహమ్మారి వారికి రాకుండా ఎన్నో జాగ్రత్తలు తీసుకుంటున్నారు. ఈ మహమ్మారికి వ్యాక్సిన్ అందుబాటులో లేకపోవడంతో మన శరీరంలో రోగనిరోధక శక్తిని పెంపొందించుకుంటే ఈ వ్యాధి నుంచి కాపాడుకోవచ్చని ఇప్పటికే ఎంతోమంది రోగనిరోధక శక్తిని పెంపొందించుకొనే పనిలో పడ్డారు. రోగనిరోధక శక్తి మెరుగుపడటానికి పౌష్టికాహారం తీసుకుంటూ, వివిధ రకాల కషాయాలను సేవిస్తూ ఉన్నారు. ఇలా చేయడం ద్వారా రోగనిరోధక శక్తి పెంపొందుతుంది. అయితే తరచూ మన అలవాట్లలో కొన్ని అలవాట్ల వల్ల రోగ నిరోధక శక్తి పూర్తిగా తగ్గిపోతుందని తాజాగా నిపుణులు తెలియజేస్తున్నారు. మరి ఆ అలవాటు ఏమిటో ఇక్కడ తెలుసుకుందాం….

కొంతమంది మందుబాబులు ఎల్లప్పుడు మద్యం మత్తులో తూగుతుంటారు. ఇలా ఎక్కువ మొత్తంలో మద్యం సేవించడం వల్ల కాలేయ సంబంధిత వ్యాధులు వస్తాయి.అంతే కాకుండా మద్యం ఎక్కువగా సేవించే వారిలో రోగనిరోధక శక్తి తగ్గిపోతుందని నిపుణులు తెలియజేశారు. ఇలాంటి వారిలో కరోనా వైరస్ వ్యాప్తి చెందితే మరింత తీవ్రరూపం దాల్చి ప్రాణాలకే ప్రమాదం ఏర్పడుతుంది.

మనం ప్రతిరోజు వండే వంటలలో సరిపడా ఉప్పు లేనిదే వంటకు తగినంత రుచి రాదు. అయితే ఈ ఉప్పును అధికంగా తీసుకోవడం ద్వారా అధిక రక్తపోటు పెరగడమే కాకుండా, శరీరంలో అధిక శాతం సోడియంను మూత్రపిండాలు వడ పోసేటప్పుడు డొమినే ఎఫెక్ట్‌ సంభవిస్తుంది. తద్వారా మన శరీరం బ్యాక్టీరియాతో పోరాడే శక్తిని కోల్పోయి అనేక వ్యాధులు చుట్టుముడతాయి.

సాధారణంగా కాఫీ,టీ తాగటం ద్వారా కొంతమంది మంచిదని చెబుతుంటారు. అయితే వీటిని ఎక్కువగా తీసుకోవడం ద్వారా గుండెకు సంబంధించినటువంటి వ్యాధులు రావడంతో పాటు, ఇందులో ఉండే కెఫిన్ అనే పదార్థం వల్ల నిద్రలేమి సమస్యలను ఎదుర్కొంటారు. అంతేకాకుండా మరికొంత మంది ఎక్కువ ఒత్తిడికి లోనవుతుంటారు. అలా అనవసరంగా ఆందోళన చెందటం వల్ల మన మానసిక ఆరోగ్యంపై తీవ్ర ప్రభావం చూపుతుంది. ఇలాంటి వారిలో అధిక రక్తపోటు, శ్వాస తీసుకోవడంలో ఇబ్బందులు తలెత్తుతాయి. మన శరీరంలో హార్మోన్ల అసమతుల్యత ఏర్పడటం వల్ల రోగ నిరోధక శక్తి తగ్గుతుంది. ఇలాంటి అలవాట్లు ఉన్న వారిలో రోగనిరోధక శక్తి తగ్గిపోతుందని నిపుణుల తెలియజేశారు.