చాలాకాలంగా హిట్ కోసం ఎదురుచూస్తున్న సాయికుమార్ తనయుడు ఆది ‘తీస్ మార్ ఖాన్’ అనే సినిమాతో వచ్చేందుకు సిద్ధమయ్యాడు. ఆది మొదట ‘ప్రేమ కావాలి’ చిత్రంతో సూపర్ హిట్ అందుకున్నాడు. వరుసగా సినిమాలు చేస్తున్నా సరైన హిట్ దొరకలేదు ఆదికి. దర్శకుడు కళ్యాణ్ జీ గోగణ దర్శకత్వంలో ప్రస్తుతం తీస్ మార్ ఖాన్ చిత్రం తెరకెక్కుతోంది.

ప్రొడక్షన్ నెంబర్-3 గా విజన్ సినిమాస్ బ్యానర్‌పై ప్రముఖ వ్యాపారవేత్త నాగం తిరుపతి రెడ్డి ఈ సినిమాను నిర్మిస్తున్నారు. పాయల్ రాజ్‌పుత్ హీరోయిన్‌గా నటిస్తుండగా.. ఈ సినిమాలో కీలకమైన పాత్రలో సునీల్ నటిస్తున్నాడు. దసరా పండుగ రోజు సందర్భంగా ఈ సినిమా ఫస్ట్ లుక్ పోస్టర్ ను సినీ బృందం విడుదల చేసింది. ప్రస్తుతం ఇది సోషల్ మీడియాలో వైరల్ గా మారింది.

ఆది ఈ సినిమాలో పవర్ ఫుల్ పాత్రలో నటిస్తుండగా హై ఓల్టేజ్ యాక్షన్ ఎంటర్‌టైనర్‌గా ఈ సినిమా రూపొందుతుంది. ఫస్ట్ లుక్ లో అతడు సిగరెట్ కాలుస్తూ.. ఊర మాస్ లా కనిపించాడు. ఈ సినిమాలో అతడు రౌడీగా, పోలీస్‌ , స్టూడెంట్‌గా మూడు వేరియేషన్స్ ఉన్న పాత్రలో ఆది నటిస్తుండటం విశేషం. ఈ చిత్రానికి సాయి కార్తీక్ సంగీత దర్శకుడిగా వహిస్తున్నాడు.

దీనికి సినమాటోగ్రఫిగా బాల్ రెడ్డి వహిస్తున్నాడు. ఎడిటింగ్ బాధ్యతలు మణికాంత్ వ్యవహరిస్తున్నాడు. ఈ తీస్ మార్ ఖాన్ చిత్రంపై ఆ సినీ సభ్యులు పెద్ద ఎత్తున నమ్మకం పెట్టుకున్నారు. ఇలాంటి పాత్ర ఆది అంతకముందు సినిమాలో చేయలేదని తెలిపారు. ఈ సినిమాకు సంబంధించిన పూర్తి వివరాలు త్వరలో తెలియనున్నాయి.