Gunturu kaaram: గుంటూరు కారం కుర్చీ తాతకు ఎంత రెమ్యూనరేషన్ ఇచ్చారో తెలుసా?

Gunturu kaaram: ప్రస్తుతం కుర్చీ తాత పాషా పేరు ట్రెండ్ అవుతోంది. ఆ మధ్యకాలంలో మీడియా సమావేశంలో మాట్లాడుతూ ఉన్నటువంటి ఈ తాత కుర్చీ మడతపెట్టి అంటూ చెప్పినటువంటి డైలాగ్ ఓ రేంజ్ లో పాపులర్ అయింది అయితే ఇదే పాటను మహేష్ బాబు నటిస్తున్నటువంటి గుంటూరు కారం సినిమాలో పెట్టారు. ఇటీవల ఈ పాటకు సంబంధించిన ప్రోమో వీడియో వైరల్ గా మారడంతో ఈ తాత కాస్త ట్రెండ్ అవుతున్నారు.

 సాంగ్ ప్రోమో విడుదల తర్వాత రెండ్రోజులు కనిపించని కుర్చీ తాత పాషా తాజాగా ఓ యూట్యూబ్ ఛానెల్ కు ఇంటర్వ్యూ ఇచ్చారు. కొన్ని ఆసక్తికరమైన విషయాలను వెల్లడించారు. అయితే రెండు మూడు రోజుల క్రితం తాను తన బంధువులు ఇంటికి వరంగల్ వెళ్లానని ఈయన వెల్లడించారు.

ఇక గుంటూరు కారం సినిమాలో ఆ పాటను పెట్టడం గురించి ఈయన మాట్లాడుతూ నాకు ఆ సినిమాలో పాట పెట్టడం చాలా సంతోషంగా అనిపించిందని తెలిపారు. ఈ పాటను తానే పాడానని తనతో పాటు మరొక సింగర్ కూడా పాడారు అంటూ కుర్చీ తాత వెల్లడించారు. ఇక ఈ పాట పాడినందుకు నాకు లక్ష రూపాయల రెమ్యునరేషన్ ఇచ్చారని ఈయన తెలిపారు.

ఆ అవకాశం నాకు రాలేదు…

ఇక ఈ పాట పాడే సమయంలో తాను ఒకసారి కూడా మహేష్ బాబుని కలవలేదని ఆ అవకాశం నాకు రాలేదని తెలిపారు. ఒకసారి తను స్టూడియోకు వెళ్లే వరకే బాబు కారు వెళ్లిపోయిందని చెప్పారు. ప్రస్తుతం కుర్చీ మడతపెట్టి ఫుల్ సాంగ్ రాబోతోంది. మరి ఫుల్ సాంగ్ వచ్చిన తర్వాత ఈ పాట ఎలాంటి సంచలనాలను క్రియేట్ చేస్తుందో తెలియాల్సి ఉంది.