నన్ను ఎవరైనా ప్రేమించండటంటూ ఆవేదన చెందుతున్న వ్యక్తి!

యువతులైనా, యువకులైనా వాళ్ల జీవితంలో పెళ్లి అనేది ఒక కళ. మూడు పదుల వయస్సు దాటక ముందే వైవాహిక బంధంలో అడుగుపెట్టి కలకాలం సంతోషంగా గడపాలని చాలామంది ఆశిస్తారు. నచ్చిన కలల రాకుమారుడు/రాకుమారి కోసం వెతుక్కుంటూ ఉంటారు. నచ్చిన వాళ్లు దొరికితే ప్రేమించి పెళ్లి చేసుకుంటారు. అలా ఒక యువకుడు కూడా నచ్చిన అమ్మాయితో డేటింగ్ చేయాలని మొదట ఆ అమ్మాయిని ఇష్టపడాలని అనుకున్నాడు.

తనకు కాబోయే కలల రాకుమారి కోసం మ్యాట్రిమొనీ వెబ్ సైట్లలో, డేటింగ్ సైట్లలో వివరాలను అందుబాటులో ఉంచాడు. అయితే అతను ఎన్ని వెబ్ సైట్లలో వివరాలను నమోదు చేసినా ఒక్కరి నుంచి కూడా రెస్పాన్స్ రాలేదు. దీంతో సదరు యువకుడు తీవ్ర మానసిక వేదనకు గురయ్యాడు. నచ్చిన అమ్మాయి లేని జీవితం వృథా అని… తాను ఎందుకు ఒక్క అమ్మాయికి కూడా నచ్చడం లేదని తీవ్ర మానసిక వేదనకు గురయ్యాడు.

దీంతో ఆ వ్యక్తి ఫేస్ బుక్ లో ఒక ఆసక్తికరమైన పోస్టును పెట్టి అందరి దృష్టిలో పడ్డాడు. తాను సంపూర్ణ ఆరోగ్యంగా ఉన్నానని వెల్లడించాడు. పూర్తి వివరాల్లోకి వెళితే ఆ వ్యక్తి పేరు అలాన్ క్లాయిట‌న్. ప్రస్తుతం మూడు పదుల వయస్సులో ఉన్న అలాన్ చిన్నప్పటి నుంచి సిగ్గరి. ఎవరితో అంత సులువుగా కలిసే వాడు కాదు. తాను ఒంటరిగా ఉంటున్నానని తనకు ఇష్టపడే ఒక అమ్మాయి కావాలని ఆవేదనను వ్యక్తం చేశాడు.

సోషల్ మీడియాలో తెగ వైరల్ అయిన ఈ పోస్టుకు నెట్టింట ఒక రేంజులో స్పందన వచ్చింది. ఒంటరి జీవితాన్ని గడుపుతున్న అలన్ కు ఒక తోడు కావాలని అనిపిస్తోంది. దీంతో అతడు ఒక మంచి అమ్మాయి కోసం ఎదురుచూపులు చూస్తూనే ఉన్నాడు. త్వరలోనే అలాన్ కు మంచి అమ్మాయి దొరుకుతుందో లేదో చూడాలి.