భార్యను చిత్రహింసలకు గురిచేసిన శాడిస్టు భర్త.. దేని కోసమో తెలుసా..

విజయవాడకు చెందిన జ్యోత్స్న ఎంబీఏ పూర్తి చేసి బెంగళూరులో ఉద్యోగం చేస్తుంది. అక్కడనే సుశాంత్ చౌదరి అనే యువకుడు ప్రేమ పేరుతో వెంటపడ్డాడు. ఆమె దానికి అంగీకరించలేదు. కానీ తర్వాత అతడు చనిపోతానని బెదిరించడంతో ఆమె అతడి ప్రేమకు లొంగడం తప్పలేదు. దీంతో ఇద్దరు కలిసి ఓ రోజు నెల్లూరులోని కామాక్షి దేవాలయంలో దండలు మార్చుకొని.. రిజిస్టర్ మ్యారేజ్ చేసుకున్నారు.

విషయం ఆ యువతి తల్లిదండ్రులకు తెలవడంతో విజయవాడలోనే బంధువలందరినీ పిలిపించి ఘనంగా రిసెప్షన్ చేయించారు. అతడికి బాగానే కట్నకానుకలు కూడా ముట్టజెప్పారు. తర్వాత బెంగళూరుకు వెళ్లి అక్కడే కాపురం పెట్టారు. తర్వాత కొన్నాళ్లకు నెల్లూరుకు వచ్చి అతడి తల్లిదండ్రులతో కలిసి ఉన్నారు. అప్పటి నుంచి ఆమెకు వేధింపులు ఎక్కువ అయ్యాయి.

ఇంట్లో లంకెబిందెలు ఉన్నాయని.. అవి దక్కాలంటే తనకు పుట్టే పిల్లల్ని బలివ్వాలంటూ చెప్పాడు ఓ మాంత్రికుడు. దీంతో ఆమెను భర్త, అత్త, ఆడబిడ్డలు ఆమెను చిత్రహింసలు పెట్టసాగారు. త్వరగా పిల్లలను కనాలని.. కని తనకు ఇస్తే బలి ఇచ్చి లంకె బిందెలను తన సొంతం చేసుకుంటానని ఆమెను వేధించాడు. ఇంట్లో ముగ్గు పోసి ఆమెను మధ్యలో కూర్చోబెట్టి తీవ్ర ఇబ్బందులకు గురిచేశారు.

దీంతో యువతి తల్లిదండ్రులు గట్టిగా నిలదీయడంతో మళ్లీ బెంగళూరలో కాపురం పెట్టాడు. అక్కడ కూడా ఆమెను పట్టించుకోకుండా మరో ఇద్దరు యువతులతో లవ్ అఫైర్ పెట్టుకుంటూ.. పిల్లల్ని కని ఇస్తావా.. లేదా వాళ్లతో కని తీసుకుంటా అంటూ బెదిరించాడు. దీంతో ఆమె తన భర్త ఆగడాలను భరించలేక విజయవాడలోని తల్లిదండ్రుల దగ్గరకు చేరుకోని పోలీస్ కమిషనర్ కు ఫిర్యాదు చేసింది. కేసు నమోదు చేసుకున్న పోలీసులు దర్యాప్తు ప్రారంభించారు.