తిరుమలలో పెరుగుతున్న భక్తుల రద్దీ..! కోవిడ్ నిబంధనలు పాటించాలంటున్న అధికారులు..

తిరుమల వెంకన్న స్వామి వారి సన్నిధిలో భక్తుల రద్దీ క్రమక్రమంగా పెరుగుతుంది. ప్రస్తుతం కరోనా ఉదృతి తగ్గుతున్న నేపధ్యంలో లాక్ డౌన్ మరియూ కర్ఫ్యూ నిబంధనలు సడలించడంతో శ్రీవారి దర్శనానికి జనాల తాకిడి పెరుగుతుంది. ఈ నేపధ్యంలో నిన్న సుమారు 18,211 మంది భక్తులు స్వామివారిని దర్శించుకున్నారు. 7,227 మంది భక్తులు వారి యొక్క తలనీలాలను స్వామివారికి సమర్పించారు. ఈ క్రమంలో నిన్న శ్రీవారి హుండీ ఆదాయం రూ.1.09 కోట్లు వచ్చినట్టు తిరుమల తిరుపతి దేవస్థానం తెలిపింది.

ఈ నేపధ్యంలో దర్శనానికి వచ్చే భక్తులు తప్పనిసరిగా కొవిడ్‌ నిబంధనలు పాటించాలని అధికారులు సూచించారు. తిరమల కొండపై కొవిడ్‌ నిబంధనలను పక్కాగా అమలు చేస్తున్నామని ఆలయ అధికారులు పేర్కొన్నారు.