మెగా బ్రదర్ నాగబాబు తెలుసు కదా. ఆయన మొదట్లో నటుడిగా వెండి తెరకు పరిచయం అయ్యారు. అప్ కోర్స్.. ఆయన మెగాస్టార్ చిరంజీవి వల్లనే నటుడిగా టాలీవుడ్ లో అడుగు పెట్టినప్పటికీ.. చిరంజీవి అంత క్రేజ్ ను నాగబాబు సంపాదించలేకపోయారు. తన తమ్ముడు పవన్ కళ్యాణ్ కూడా స్టార్ హీరో అయ్యారు కానీ.. నాగబాబు మాత్రం ఒక మోస్తారు నటుడిగానే మిగిలిపోయారు.
కొన్ని సినిమాల్లో నటించిన తర్వాత.. నాగబాబు.. నిర్మాతగా మారారు. నిర్మాతగా తన మొదటి సినిమాను నాగబాబు.. చిరంజీవితోనే తీశారు. కాకపోతే.. నాగబాబుకు ఆ సినిమా కలిసిరాలేదు. ఆ సినిమా ఫ్లాప్ అయింది. నిజానికి.. ఆ సినిమా సంచలనాలను సృష్టిస్తుందని అంతా అనుకున్నారు. అందుకే.. నాగబాబు.. ఆ సినిమాకు నిర్మాతగా మారారు. కానీ.. అది ఫ్లాప్ అయిపోయింది. నిజం చెప్పాలంటే.. ఆ సమయంలో ఆ సినిమా ఒక ప్రయోగం. ఆ ప్రయోగం సక్సెస్ కాలేదు.
ఫ్లాప్ అయినా.. నేషనల్, నంది అవార్డును దక్కించుకున్న చిరంజీవి సినిమా అది
నిజానికి.. సినిమా ఫ్లాప్, హిట్ తో సంబంధం లేకుండా.. సినిమాలోని కథ, నటుల నటనను బట్టి.. అవార్డ్స్ వరిస్తుంటాయి. చాలా సినిమాలు ఫ్లాప్ అయినా కూడా ఎన్నో అవార్డులను గెలచుకున్న దాఖలాలు చాలానే ఉన్నాయి. అందులో ఒకటి రుద్రవీణ. ఈ సినిమాకు ప్రయోగాత్మకమైందే. ఎందుకంటే.. రుద్రవీణ సినిమా కథ చాలా డిఫరెంట్. అప్పటి వరకు వచ్చిన సినిమాలకు, ఆ సినిమాకు పోలికే ఉండదు. చాలా కొత్త కథ. కానీ.. ప్రేక్షకులు ఆ సినిమాను విజయవంతం చేయలేదు.
డిగ్రీ అయిపోగానే.. అల్లు అరవింద్ నిర్మాణ సంస్థలో చేరిన నాగబాబు
నాగబాబు తన డిగ్రీ అయిపోగానే.. వెంటనే అల్లు అరవింద్ నిర్మాణ సంస్థలో చేరి.. నిర్మాణ పనులు చూసుకునేవారు. అలాగే.. సినిమాల్లోనూ నటిస్తూ ఉండేవారు. అయితే.. నటన కన్నా కూడా నిర్మాణ సంస్థలో నాగబాబుకు మంచి గ్రిప్ రావడంతో.. తనకే సొంతంగా ఒక నిర్మాణ సంస్థను ఏర్పాటు చేయించారు చిరంజీవి. అంజనా ప్రొడక్షన్స్ పేరుతో సంస్థను ఏర్పాటు చేశారు. అంజనా అంటే తన తల్లి పేరు. ఆమె పేరు మీదుగా ప్రొడక్షన్ హౌజ్ ను ప్రారంభించారు.
సినిమా ఫ్లాప్ అయినా పాటలు సూపర్ హిట్
కే బాల చందర్ దర్శకత్వంలో వచ్చింది రుద్రవీణ. ఆ సినిమాకు ఇళయరాజా సంగీతం అందించారు. ఆ సినిమాలోని పాటలన్నీ సూపర్ హిట్టు. ఇప్పటికీ ఈ జనరేషన్ పిల్లలు కూడా ఆ పాటలను విని ఎంజాయ్ చేస్తుంటారు. చిరంజీవి సరసన శోభన నటించింది. ఆ సినిమాలో తమిళ నటుడు జెమిని గణేశన్.. చిరంజీవి తండ్రిగా నటించారు. నాగబాబు నిర్మాతగా వ్యవహరించారు. ఎన్నో అంచనాల నడుమ విడుదలైన ఆ సినిమా.. ఫ్లాప్ గా నిలిచింది. కాకపోతే.. ఆ సినిమాకు జాతీయ చలన చిత్ర పురస్కారాలు దక్కాయి. జాతీయ సమైక్యతా చిత్రం అవార్డుతో పాటు.. ఉత్తమ నటుడిగా చిరంజీవికి నంది అవార్డు దక్కింది. అదే సినిమాకు ఉత్తమ సంగీత దర్శకుడిగా.. ఇళయరాజాకు అవార్డు రాగా.. ఉత్తమ గాయకుడిగా.. ఎస్పీ బాలును అవార్డు వరించింది.
తెలుగు సినీ పరిశ్రమలో ఎన్నో విభిన్న పాత్రలతో ప్రేక్షకులను అలరించిన నటుడు Raja Ravindra మరోసారి వార్తల్లో నిలిచారు. ఈసారి…
వంట గ్యాస్ సరఫరా సమస్యలు మరోసారి వెలుగులోకి వచ్చాయి. గ్యాస్ సిలిండర్ బుక్ చేసినప్పటికీ సమయానికి అందక వినియోగదారులు ఇబ్బందులు…
తెలుగు సినీ ప్రేక్షకుల ముందుకు వచ్చిన తాజా వినోదాత్మక చిత్రం ‘పాపం ప్రతాప్’ విభిన్నమైన కథతో ఆకట్టుకోవాలని ప్రయత్నించినా, ఆశించిన…
తెలుగు సినీ పరిశ్రమలో విభిన్నమైన ప్రయాణం చేసిన నటుల్లో జేడీ చక్రవర్తి ఒకరు. నటుడిగానే కాకుండా రచయితగా, దర్శకుడిగా, సంగీతంపై…
లోక్సభలో మహిళలకు 33 శాతం రిజర్వేషన్లు కల్పించే రాజ్యాంగ సవరణ బిల్లు ఆమోదం పొందకపోవడం దేశ రాజకీయాల్లో తీవ్ర చర్చకు…
ఆంధ్రప్రదేశ్ రాజకీయాల్లో మరోసారి ధార్మిక అంశం చర్చకు దారితీసింది. జనసేన పార్టీ ఎమ్మెల్సీ కొణిదెల నాగబాబు ఇటీవల శ్రీరాముడిపై చేసిన…