ఎనర్జిటిక్ స్టార్ రామ్ తో తలపడనున్న.. యంగ్ హీరో?

ప్రస్తుతం వరుస సినిమాలతో ఫుల్ జోష్ లో ఉన్నారు ఎనర్జిటిక్ స్టార్ రామ్. రామ్ నటించిన ఇస్మార్ట్ శంకర్, రెడ్ వంటి మాస్ యాక్షన్ చిత్రాలు ప్రేక్షకులను విపరీతంగా ఆకట్టుకున్నాయి. ఈ క్రమంలోనే హీరో రామ్ తమిళ డైరెక్టర్ లింగుస్వామి దర్శకత్వంలో ఓ సినిమా చేయబోతున్నారనే వార్తలు వినిపిస్తూనే ఉన్నాయి. ఈ క్రమంలోనే ఈ సినిమాకు సంబంధించిన వార్తలు సోషల్ మీడియాలో తెగ హల్ చల్ చేశాయి.

ఇదివరకు ఈ సినిమాలో నటించే నటీనటుల గురించి పెద్ద ఎత్తున వార్తలు వినిపించాయి. ఈ సినిమాలో తమిళ హీరో మాధవన్ విలన్ పాత్రలో చేయబోతున్నారనే వార్తలు పెద్దఎత్తున వినిపించాయి.అయితే ఆ వార్తల్లో నిజం లేదని మాధవన్ స్పందించడంతో ఆ తర్వాత పలువురి పేర్లు తెరపైకి వచ్చాయి. తాజాగా హీరో రామ్ ఈ సినిమాలో నెగిటివ్ పాత్రలో చేయనున్న హీరో గురించి తెలియజేశారు.

ఇదివరకే తెలుగులో పవన్ కళ్యాణ్ అజ్ఞాతవాసి, అల్లు అర్జున్ సరైనోడు వంటి సినిమాలలో విలన్ పాత్రలో తన మార్క్ ఏంటో చూపించిన ఆది పినిశెట్టి లింగుస్వామి దర్శకత్వంలో తెరకెక్కబోయే సినిమాలో మరోసారి హీరో రామ్ తో పోటీ పడనున్నారు. ఈ సందర్భంగా హీరో రామ్ ఆదికి స్వాగతం పలుకుతూ ట్వీట్ చేశారు.

ఇక పోతే ఈ సినిమాలో రామ్ సరసన ఉప్పెన బ్యూటీ కృతి శెట్టి జతకట్టారు. అదేవిధంగా నదియా ఈ సినిమాలో కీలక పాత్ర పోషిస్తున్నారు. ఇప్పటికే షూటింగ్ పనులు ప్రారంభించిన ఈ సినిమాకు చిత్రబృందం ‘ఉస్తాద్’అనే టైటిల్ పెట్టాలని ఆలోచనలో ఉన్నట్లు తెలుస్తోంది. ఈ సినిమా తెలుగు తమిళ భాషలలో శ్రీనివాస సిల్వర్ స్క్రీన్ బ్యానర్‌పై శ్రీనివాస చిట్టూరి భారీ బడ్జెట్‌తో నిర్మిస్తున్నారు.