ACB : తెలంగాణలో ఏసీబీ దాడులు.. ఇరిగేషన్ ఇంజనీర్ శ్రీధర్ ఇళ్లలో వందల కోట్ల ఆస్తులు గుర్తింపు!

తెలంగాణలో అవినీతి నిరోధక శాఖ (ACB) అధికారులు సంచలనం సృష్టించారు. నీటిపారుదల శాఖలో ఎగ్జిక్యూటివ్ ఇంజనీర్‌గా పనిచేస్తున్న నూనె శ్రీధర్ ఇళ్లలో ఏకకాలంలో సోదాలు నిర్వహించారు. ఇరిగేషన్ CAD డివిజన్ నంబర్ 8లో మరియు చొప్పదండిలోని SRSP క్యాంపు కార్యాలయంలో ఆయన పనిచేస్తున్నారు. శ్రీధర్‌కు సంబంధించిన మొత్తం 12 ప్రాంతాలలో ACB అధికారులు విస్తృత తనిఖీలు చేపట్టారు.

నీటిపారుదల శాఖలో ప్రాజెక్టులు కట్టబెట్టి, నూనె శ్రీధర్ అక్రమంగా వందల కోట్ల రూపాయలు సంపాదించారనే ఆరోపణలపై ఈ సోదాలు జరుగుతున్నాయి. ఆదాయానికి మించిన ఆస్తుల కేసును ACB అధికారులు శ్రీధర్‌పై నమోదు చేశారు. ఈ సోదాల్లో బయటపడే విషయాలు సంచలనం సృష్టించే అవకాశం ఉంది. ఈ కేసు నీటిపారుదల శాఖలో మరిన్ని అవినీతి కోణాలను వెలికి తీస్తుందా వేచి చూడాలి.