Actor Madhvan: వార్తలలో ఎలాంటి నిజం లేదు.. నేనేలాంటి ఆస్తులు అమ్ముకోలేదు… ఆ వార్తలకు చెక్ పెట్టిన మాధవన్!

Actor Madhvan: తెలుగు తమిళ భాషలలో నటుడిగా ఎంతో మంచి గుర్తింపు సంపాదించుకున్న మాధవన్ గత కొంతకాలం నుంచి ఇండస్ట్రీకి దూరంగా ఉన్నారు. ఇకపోతే తాజాగా ఈయన స్వీయ దర్శకత్వంలో ది రాకెట్రి అనే సినిమా ద్వారా ప్రేక్షకుల ముందుకు వచ్చారు. ఈ సినిమా ప్రముఖ భారతీయ ఇస్రోశాస్త్రవేత్త నంబి నారాయణన్ జీవిత కథ ఆధారంగా తెరకెక్కిన చిత్రం.

ఇకపోతే ఈ సినిమా విడుదలై బాక్సాఫీస్ వద్ద మిశ్రమ ఫలితాలను అందుకుంది. ఇక ఇప్పటికీ ఈ సినిమా పలుచోట్ల థియేటర్లలో రన్ అవుతుందని చెప్పాలి. ఇక ఈ సినిమా ద్వారా మాధవన్ దర్శకుడిగా మారడమే కాకుండా ఈ సినిమాకి నిర్మాతగా కూడా వ్యవహరించారు. ఇకపోతే ఈ సినిమా ద్వారా మాధవన్ భారీ నష్టాలను ఎదుర్కొన్నారని ఈ సినిమా వల్ల వచ్చిన నష్టాలను తీర్చడం కోసం ఏకంగా ఆయన ఆస్తులను కూడా అమ్ముకున్నారని వార్తలు వచ్చాయి.

ఇలా ఈ సినిమా నష్టాల నుంచి బయటపడటానికి మాధవన్ తాను నివస్తున్న ఇంటిని కూడా అమ్మకున్నారని పెద్ద ఎత్తున వార్తలు రావడంతో ఈ వార్తలపై ఈయన స్పందించారు. ఈ సందర్భంగా మాధవన్ మాట్లాడుతూ ఆ భగవంతుడి దయవల్ల తాను ఒక మంచి సినిమా చేశానని ఈ సినిమా వల్ల తాను ఎలాంటి నష్టాలను ఎదుర్కోలేదని ఈయన వెల్లడించారు.ఇకపోతే ఈ ఏడాది ది రాకెట్రీ సినిమా కోసం పనిచేసిన వారందరూ కూడా ప్రభుత్వానికి ఎక్కువగానే టాక్స్ చెల్లించి ఉంటారని ఈయన పేర్కొన్నారు.

Actor Madhvan: ఇల్లు అంటే ఎంతో ఇష్టం…

ఇకపోతే తనకు ఇల్లు అంటే ఎంతో ఇష్టం అలాంటిది తాను నివసిస్తున్న ఇల్లును కూడా అమ్మారని వస్తున్నటువంటి వార్తలలో ఏ విధమైనటువంటి వాస్తవం లేదని ఇప్పటికి తాను ఆ ఇంట్లోనే నివసిస్తున్నానని ఈ సందర్భంగా ఈయన క్లారిటీ ఇచ్చారు. ఈ విధంగా నేను ఆస్తులు అమ్ముకున్నాను అని వస్తున్న వార్తలలో ఏమాత్రం నిజం లేదని అవన్నీ ఆ వాస్తవాలేనని ఈయన కొట్టిపారేశారు.