Naresh: నన్ను చూస్తే అబ్బాయిలు కూడా కన్ను కొడతారు.. నరేష్ బోల్డ్ కామెంట్స్ వైరల్!

Naresh: వీకే నరేష్ పరిచయం అవసరం లేని పేరు. ఇండస్ట్రీలో సీనియర్ నటుడిగా ఎంతో మంచి గుర్తింపు సంపాదించుకున్నటువంటి నరేష్ ప్రస్తుతం వరుస సినిమాలలో నటిస్తూ ఎంతో బిజీగా ఉన్నారు. ఇక ఇటీవల కాలంలో ఈయన తన వ్యక్తిగత విషయాలు ద్వారా పెద్ద ఎత్తున వార్తలలో నిలిచిన సంగతి మనకు తెలిసిందే.

తన ముగ్గురు భార్యలకు విడాకులు ఇచ్చినటువంటి నరేష్ ప్రస్తుతం సినీనటి పవిత్ర లోకేష్ తో రిలేషన్ లో ఉన్నారు ఈ విషయంపై తన మూడో భార్య రమ్య రఘుపతి తీవ్ర స్థాయిలో వివాదాన్ని సృష్టించిన సంగతి తెలిసిందే. ప్రస్తుతం అంతా సర్దుకుపోయిందని తెలుస్తుంది. ఇదిలా ఉండగా తాజాగా ఈయన గోపీచంద్ హీరోగా హర్ష దర్శకత్వంలో తెరకెక్కిన బీమా సినిమా ద్వారా ప్రేక్షకుల ముందుకు రావడానికి సిద్ధమవుతున్నారు.

తాజాగా ఈ సినిమా ట్రైలర్ లాంచ్ కార్యక్రమం జరిగింది. ఈ కార్యక్రమంలో నరేష్ మాట్లాడుతూ యువతలో చాలా ఉత్సాహాన్ని నింపారు. ఇక ఈ సినిమాలో తన పాత్ర చాలా అద్భుతంగా ఉంటుందని తన పాత్ర గురించి నరేష్ చెప్పుకువచ్చారు. ఎలాంటి పాత్రలు చేయాలి అన్న సందిగ్ధంలో ఉన్న నాకు హర్ష విభిన్నమైనటువంటి పాత్ర వినిపించారని ఈ పాత్ర వినగానే వెంటనే ఓకే చెప్పానని తెలిపారు.

నా పాత్ర చూస్తే కన్ను కొడతారు..
ఇకపోతే ఈ సినిమాలో తన పాత్రను కనుక చూస్తే అబ్బాయిలు మీరందరూ కూడా నాకు కన్ను కొడతారు అంటూ ఈయన బోల్డ్ కామెంట్స్ చేశారు. అంత అద్భుతంగా నా పాత్రను తీర్చిదిద్దారు అంటూ ఈ సందర్భంగా నరేష్ బీమా సినిమా గురించి చేసినటువంటి కామెంట్స్ వైరల్ అవుతున్నాయి. ఇక ఈ సినిమా ఆల్ రౌండర్ అని ప్రతి ఒక్కరికి ఈ సినిమా నచ్చుతుందని ఈయన తెలియజేశారు. ఇక ఈ సినిమా మార్చి 8వ తేదీ ప్రేక్షకుల ముందుకు రాబోతోంది.