Actress Hansika: పెళ్లి తరువాత సినిమాలకు హన్సిక గుడ్ బై చెప్పనున్నారా… క్లారిటీ ఇచ్చిన నటి?

Actress Hansika: అల్లు అర్జున్ హీరోగా నటించిన దేశముదురు సినిమా ద్వారా తెలుగు ప్రేక్షకులకు పరిచయమయ్యారు నటి హన్సిక.ఇలా మొదటి సినిమాతోనే ఎంతో అద్భుతమైన ఆదరణ గుర్తింపు సంపాదించుకున్నటువంటి ఈమె అనంతరం తెలుగులో పలు సినిమాలలో నటించి తెలుగు ప్రేక్షకులను సందడి చేశారు.ఇక తమిళంలో ఈమె అగ్ర హీరోలందరి సరసన నటించి తమిళ ఇండస్ట్రీలో ఎంతో పేరు ప్రఖ్యాతలు పొందారు.

ఇకపోతే గత కొద్ది రోజులుగా హన్సిక పెళ్లి చేసుకోబోతున్నట్టు పెద్ద ఎత్తున సోషల్ మీడియాలో వార్తలు వచ్చాయి.ఈ క్రమంలోనే ఈమె పారిస్ లో ఈఫిల్ టవర్ దగ్గర తన ప్రియుడు తనకు ప్రపోజ్ చేస్తున్నటువంటి ఫోటోలను సోషల్ మీడియా వేదికగా షేర్ చేస్తూ తాను తన స్నేహితుడు బిజినెస్ పార్టనర్ సోహైల్ అనే వ్యక్తిని పెళ్లి చేసుకోబోతున్నానని అధికారకంగా వెల్లడించారు.

సాధారణంగా పెళ్లయిన తర్వాత హీరోయిన్లు సినిమాలకు దూరమవుతూ ఉంటారు. ఈ క్రమంలోనే హన్సిక సైతం పెళ్లి జరిగిన తర్వాత సినిమాలకు దూరంగా ఉంటారా అంటూ ఎంతో మంది సందేహాలను వ్యక్తం చేశారు. ఈ క్రమంలోనే ఓ ఇంటర్వ్యూలో పాల్గొన్నటువంటి హన్సిక పెళ్లి తర్వాత సినిమాలలో నటించడం గురించి ఆసక్తికరమైన వ్యాఖ్యలు చేశారు.

Actress Hansika: పని ఎంతో విలువైనది…

ఈ సందర్భంగా హన్సిక మాట్లాడుతూ పెళ్లి జరిగిన తర్వాత తనకు అవకాశాలు వస్తే తప్పకుండా సినిమాలలో నటిస్తానని తాను సినిమాలకు దూరం కావాలనే ఆలోచనలో లేనని తెలిపారు.మనం ఏ పని చేస్తున్నా ఆ పని చాలా విలువైనదని పెళ్లి తర్వాత సినిమాలు చేయకూడదని నిబంధనలు తనకు లేవని తెలిపారు.ఇలా పెళ్లి తర్వాత కూడా తాను సినిమాలలో నటిస్తానని చెప్పడంతో అభిమానుల సైతం ఎంతో సంతోషం వ్యక్తం చేస్తున్నారు.