Actress Prema: చిరునవ్వులు చిందించే నటి ప్రేమ జీవితంలో ఇంత విషాదం ఉందా.. పాపం నటి

Actress Prema: టాలీవుడ్ ఇండస్ట్రీలోకి హీరో వెంకటేష్ సరసన నటించిన ధర్మచక్రం అనే సినిమా ద్వారా తెలుగు ప్రేక్షకులకు పరిచయమయ్యారు నటి ప్రేమ.ఈమె కన్నడ నటి అయినప్పటికీ ఈ సినిమా ద్వారా తెలుగు ప్రేక్షకుల ముందుకు వచ్చారు. ఇక ఈమె నటించిన దేవి సినిమా సూపర్ హిట్ కావడంతో ఈమె వరస తెలుగు సినిమా అవకాశాలను అందుకున్నారు.

ఇలా తెలుగు, తమిళ, కన్నడ భాషలలో వరుస సినిమాలలో నటిస్తూ ఒకానొక సమయంలో స్టార్ హీరోయిన్ గా ఓ వెలుగు వెలిగిన ఈమె అందరిలాగే కొన్ని రోజులకు ఇండస్ట్రీకి దూరమయ్యారు.
ఇలా ఇండస్ట్రీలో అగ్రతారగా కొనసాగుతున్న సమయంలో నటి ప్రేమ నటుడు ఉపేంద్రతో ప్రేమలో పడ్డారు. ఇద్దరూ పీకల్లోతు ప్రేమలో మునిగిపోవడమే కాకుండా పెళ్లి చేసుకోబోతున్నారని వార్తలు కూడా వచ్చాయి.

ఇకపోతే వీరిద్దరూ కొన్ని మనస్పర్ధలు కారణంగా ఈ విడిపోయారు. ఇలా విడిపోయిన అనంతరం కొద్ది రోజులకు ప్రేమ జీవన్ అప్పచ్చు అనే ఓ వ్యాపారవేత్తను 2006 వ సంవత్సరంలో ప్రేమించి పెళ్లి చేసుకున్నారు.
అయితే కొంతకాలానికి ఈయనతో మనస్పర్ధలు రావడంతో ఇతని నుంచి విడాకులు తీసుకున్న ఈమె అనంతరం క్యాన్సర్ బారిన పడ్డారు. ఇలా క్యాన్సర్ మహమ్మారితో పోరాడి బయటపడినట్లు ప్రేమ ఓ సందర్భంలో వెల్లడించారు.

Actress Prema: ఒంటరి జీవితం గడుపుతున్న నటి ప్రేమ…

ఇకపోతే మొదటి భర్తతో విడాకులు తీసుకున్న తర్వాత ఈమె రెండవ పెళ్లి చేసుకోలేదని అయితే తన పిల్లల బాధ్యతలు చూసుకుంటూ బిజీగా ఉన్నారంటూ వార్తలు వచ్చాయి.అయితే ఈ వార్తలు పూర్తిగా ఆవాస్తవమని తాను ప్రస్తుతానికి సింగిల్ గా ఉన్నప్పటికీ తనకు పిల్లలు మాత్రం లేరంటూ ఓ సందర్భంలో ఈమె క్లారిటీ ఇచ్చారు. తెరపై నవ్వుతూ అందరిని సందడి చేసిన ప్రేమ నిజజీవితంలో ఇంత విషాదం దాగి ఉందని తెలిసి అభిమానులు సైతం ఆశ్చర్యపోతున్నారు.