Actress Viji Chandrashekhar : అక్క సరిత ఎక్కడ ఉందంటే… సరిత గారి ఇద్దరు కొడుకులు ఏం చేస్తున్నారంటే…: నటి విజి చంద్రశేఖర్

Actress Viji chandrashekhar : తెలుగు, తమిళం, మలయాళం, కన్నడ ఇలా అన్ని సౌత్ భాషల్లో నటిస్తూ గుర్తింపు అందుకున్న నటి సరిత గారు. డబ్బింగ్ ఆర్టిస్ట్ గాను మరో పక్క నటిగాను గుర్తింపు తెచ్చుకున్న సరిత గారి చెల్లి విజి చంద్రశేఖర్ కూడా నటి. అయితే తెలుగులో అఖండ సినిమా మాత్రమే చేసారు. అఖండ సినిమాలో బాలకృష్ణ తల్లిగా నటించిన ఆమె ఆ సినిమా తరువాత తెలుగులో మంచి ఇమేజ్ తెచ్చుకున్నారు. అయితే పలు తమిళ సీరియల్స్ లో నటించి గుర్తింపు తెచ్చున్న ఆమె తమిళ సినిమాల్లో కొన్నిటిలో నటించారు. ఆమె నటించిన సీరియల్స్ లో ‘ఆరోహం’ అనే సీరియల్ కి విమర్శకుల ప్రశంసలు అందుకున్న ఆమె తాజాగా ఇంటర్వ్యూలో పాల్గొని పలు ఆసక్తికర విషయాలను పంచుకున్నారు.

సరిత గారి పిల్లలు ఏం చేస్తున్నారంటే…

విజి చంద్రశేఖర్ అలాగే సరిత గారు తెలుగు వారే. వారి స్వస్థలం గుంటూరు కాగా చెన్నై లో స్థిరపడ్డారు. సరిత గారు విజి గారి సోదరి కాగా తాను దుబాయ్ లో స్థిరపడ్డారని చెప్పారు విజి. ఇక విజి గారికి ఇద్దరు ఆడపిల్లలు కాగా సరిత గారికి ఇద్దరు మగపిల్లలు. తను ఏ నాడు మగపిల్లలు కావాలని అనుకోలేదని, ఇద్దరు ఆడపిల్లలు కలగాలనే కోరుకున్నాను అంటూ చెప్తారు విజి.

తన అక్క పిల్లలను చిన్నపుడు పెంచడం వల్ల నాకు మగపిల్లలు ఉన్నట్టు కదా ఇంకెందుకు అనిపిస్తుంది అంటూ చెప్తారు. ప్రస్తుతం సరిత గారి పెద్దబ్బాయి, అలాగే తన పెద్ద కూతురు ఇద్దరూ కూడా మెడిసిన్ ఒకే కాలేజీలో చెస్తుండగా సరిత గారి చిన్నబ్బాయి ఏంబిఏ చేసాడని చెప్పారు. ఇక తన చిన్న కూతురు సినిమాల్లో నటించాలని అనుకుంటోందంటూ చెప్పారు. విజి గారి భర్తది ఊటి వైపు కాగా ఆయన ఎయిర్పోర్ట్ మేనేజర్ గా పనిచేస్తున్నారు. వందల కోట్ల ఆస్తులున్న విజి గారు ప్రస్తుతం సినిమాల్లో మళ్ళీ నటించాలని అనుకుంటున్నారు.