Adipurush: డబ్బు కోసమే ఆ ప్లాన్… ఆది పురుష్ సినిమా గురించి మరోసారి గుప్పుమన్న పుకార్లు…?

Adipurush: పాన్ ఇండియా హీరో ప్రభాస్ నటించిన తాజా చిత్రం ఆది పురుష్. ప్రభాస్ మొదటిసారిగా రామాయణం వంటి పౌరాణిక కథలో నటిస్తుండటంతో ఈ సినిమా మీద ప్రేక్షకులో భారీ అంచనాలు పెట్టుకున్నారు. అంతేకాకుండా ఈ సినిమాలో ప్రభాస్ రాముడి పాత్రలో నటించడం వల్ల సినిమా మీద ప్రేక్షకులలో ఆసక్తి నెలకొంది. బాలీవుడ్ ప్రముఖ దర్శకుడు ఓం రౌత్ దర్శకత్వంలో రూపొందిన ఈ సినిమాని దాదాపు 500 కోట్ల బడ్జెట్ తో నిర్మించారు.

ఎంతో ప్రతిష్టాత్మకంగా రూపొందిన ఈ సినిమా గురించి ప్రేక్షకులు ఆకృతగా ఎదురు చూస్తుంటే మరికొందరు మాత్రం పని కట్టుకొని ఈ సినిమా గురించి తప్పుడు వార్తలు ప్రచారం చేస్తున్నారు. ఇప్పటికే ఆది పురుష్ సినిమా గురించి అనేక రూమర్లు వినిపించాయి. ముఖ్యంగా ఈ సినిమాలో ప్రభాస్ వేషధారణ గురించి నెగెటివిటీ స్ప్రెడ్ చేశారు. రాముడికి మీసాలు ఉండవని, అంతేకాకుండా ఈ సినిమాలో ప్రభాస్ చెప్పులు కూడా ధరించాడని సినిమా గురించి నెగెటివిటీ స్ప్రెడ్ చేశారు.

ఈ సినిమా విడుదల చేసినప్పుడు థియేటర్లలో హనుమంతుడి కోసం ఒక సీట్ కేటాయించాలని ఈ సినిమా దర్శకుడు ప్రీ రిలీజ్ ఈవెంట్లో వెల్లడించాడు. ఎందుకంటే రాముడికి పరమ భక్తుడైన హనుమంతుడు రాముడి పారాయణం జరిగే ప్రతి చోట ఉంటాడని అందువల్ల సినిమా విడుదల చేసిన ప్రతి థియేటర్లో హనుమంతుడి కోసం ఒక సీటు కేటాయించాలని విజ్ఞప్తి చేశాడు. అయితే దీని గురించి కూడా కొందరు పనిగట్టుకుని పుకార్లు పుట్టిస్తూ సినిమా మీద నెగెటివిటీ స్ప్రెడ్ చేయటానికి ప్రయత్నిస్తున్నారు.

Adipurush: భక్తితో కాదు… డబ్బు కోసమే

ఆదిపురుష్ యూనిట్ హనుమంతుడికి సీట్ కేటాయిస్తోంది భక్తితో కాదని.. డబ్బు కోసం అంటూ పుకార్లు వ్యాప్తి చేస్తున్నారు. హనుమంతుడికి కేటాయించిన సీట్ పక్క సీట్లకి విపరీతమైన డిమాండ్ ఉంటుంది. కాబట్టి హనుమంతుడి పక్క సీట్ల టికెట్ ధరల్ని అధిక మొత్తంలో పెంచి విక్రయించబోతున్నట్లు వార్తలు వైరల్ చేస్తున్నారు. అయితే ఈ రూమర్ పై చిత్ర యూనిట్ స్పందిస్తూ ఆ వార్తలలో వాస్తవం లేదని ఫేక్, హనుమంతుడి పక్క సీట్ల టికెట్ ధరలు కూడా నార్మల్ గానే ఉంటాయి అని క్లారిటీ ఇచ్చారు.