Adipurush: సీతమ్మ మెడలో తాళి ఎక్కడ… మరోసారి విమర్శలకు గురైన ఆది పురుష్ డైరెక్టర్?

Adipurush: బాహుబలి సినిమాతో పాన్ ఇండియా స్టార్ డమ్ సొంతం చేసుకున్నటువంటి ప్రభాస్ తన తదుపరి సినిమాలన్నీ కూడా పాన్ ఇండియా స్థాయిలోనే ప్రేక్షకుల ముందుకు తీసుకువస్తున్నారు. ఇలా ఈయన నటిస్తున్నటువంటి సినిమాలలో ఆది పురుష్ ఒకటి. అత్యంత భారీ బడ్జెట్ చిత్రంగా రామాయణం బ్యాక్ డ్రాఫ్ లో తెరకేక్కుతున్న ఈ సినిమా ప్రపంచవ్యాప్తంగా విడుదల కానుంది. అయితే ఇప్పటికే ఈ సినిమా విడుదల కావాల్సి ఉండగా కొన్ని కారణాల వల్ల వాయిదా పడుతూ వస్తుంది.

ఇకపోతే ఈ సినిమా నుంచి ఇదివరకే ఒక వీడియో విడుదల చేయగా ఇది కాస్త పెద్ద ట్రోలింగ్ కు గురైంది. 500 కోట్ల బడ్జెట్ కేటాయించి డైరెక్టర్ ఓం రౌత్ బొమ్మల సినిమాలు చూపిస్తున్నారని కార్టూన్ ఛానల్ చూస్తున్నాం అనే భావన కలుగుతుంది అంటూ పెద్ద ఎత్తున విమర్శలు చేశారు అయితే తాజాగా శ్రీరామనవమి పండుగను పురస్కరించుకొని ఈ సినిమా నుంచి మరొక పోస్టర్ విడుదల చేశారు.

ఇందులో సీతారామ లక్ష్మణులతో పాటు ఆంజనేయుడు ఉన్నారు. అయితే తాజాగా ఈ పోస్టర్ పై కూడా పెద్ద ఎత్తున విమర్శలు వెల్లువెత్తుతున్నాయి. ఈ పోస్టర్ లో భాగంగా లక్ష్మణుడు గడ్డంతో కనిపించడం,సీతమ్మ మెడలో తాళి లేకపోవడం కాలికి మెట్టలు లేకపోవడం వంటి వాటిని గుర్తించి సీతమ్మ మెడలో తాళి ఎక్కడ డైరెక్టర్ గారు అంటూ పెద్ద ఎత్తున డైరెక్టర్ ను ప్రశ్నిస్తూ ట్రోల్ చేస్తున్నారు.

Adipurush: భారీ విమర్శలను ఎదుర్కొంటున్న డైరెక్టర్..

ఇలా ఈ సినిమా విడుదల కాకముందే ఎన్నో విమర్శలను ఎదుర్కొంటుంది. మరి విడుదలైన తర్వాత ఈ సినిమా ఎలాంటి ఫలితాలను అందుకుంటుందో తెలియాల్సి ఉంది. ఇకపోతే ఈ సినిమాని జూన్ 16 న ప్రపంచవ్యాప్తంగా అన్ని భాషలలో విడుదల కానుంది మరి ఈ సినిమా విడుదల అయ్యి ఎలాంటి ఆదరణ పొందుతుందో తెలియాల్సి ఉంది.