Aishwarya Rai: నువ్వు కూతుర్ని చూసుకుంటూ ఐశ్వర్యని సినిమాలు చేయనివ్వు… అభిషేక్ కి సలహా ఇచ్చిన నేటిజన్!

Aishwarya Rai: ప్రపంచ సుందరి ఐశ్వర్యారాయ్ గురించి, ఆమె అందం గురించి ఎంత చెప్పినా తక్కువే. అప్పటికి ఇప్పటికీ ఆమె అందం ఏమాత్రం చెక్కుచెదరలేదు. 50 ఏళ్ల వయసులో కూడా పాతికేళ్ల పడుచు పిల్లలాగా గ్లామర్ మెయింటైన్ చేస్తోంది. ఇటీవల ప్రముఖ దర్శకుడు మణిరత్నం రూపొందించిన పొన్నియన్ సెల్వన్ 2 సినిమా ద్వారా ప్రేక్షకుల ముందుకు వచ్చింది. పొన్నియన్ సెల్వన్ 1 తో పాటు ఇటీవల విడుదలైన పొన్నియన్ సెల్వన్ 2 లో కూడా ఐశ్వర్య తన అందం, అభినయంతో ప్రేక్షకులను కట్టిపడేసింది.

ఇటీవల విడుదలైన పొన్నియన్ సెల్వన్ 2 సినిమా మంచి హిట్ టాక్ తో దూసుకుపోతోంది. ఈ క్రమంలో ఈ సినిమా గురించి బాలీవుడ్ హీరో, ఐశ్వర్య రాయ్ భర్త అభిషేక్ బచ్చన్ స్పందించాడు. “పొన్నియన్ సెల్వన్ 2 సినిమా సక్సెస్ అవ్వడం చిత్ర యూనిట్ శ్రమ కళ్ళకు కట్టినట్లు కనిపిస్తోందని, ఈ సినిమాలో ఐశ్వర్య రాయ్ ని చూసి గర్వపడుతున్నాను అంటూ సోషల్ మీడియాలో ద్వారా ప్రశంసలు కురిపించాడు.

ఇలా అభిషేక్ బచ్చన్ చేసిన ట్వీట్ కి ఒక నెటిజన్ స్పందిస్తూ… “ఇప్పటికైనా తెలిసిందిగా నువ్వు ఆరాధ్య ని చూసుకొని ఐశ్వర్యని మరిన్ని సినిమాలు చేయనివ్వు” అంటూ కామెంట్ చేశాడు. నేటిజన్ చేసిన ఈ కామెంట్ కి అభిషేక్ బచ్చన్ స్పందించాడు. ఈ క్రమంలో అభిషేక్ ” నేనేమీ వద్దన్నానా? సార్.. తను ఏం చేయాలనుకున్నా నా అనుమతి అవసరం లేదు. తనకి ఇష్టమైన పనులు చేయాలనుకుంటే తప్పకుండా చేయవచ్చు ” అంటూ అభిషేక్ బచ్చన్ సమాధానం ఇచ్చాడు.

Aishwarya Rai: నా అనుమతి అవసరం లేదు…

ఇదిలా ఉండగా గత కొంతకాలంగా అభిషేక్ బచ్చన్ ఐశ్వర్య రాయ్ విడాకుల గురించి వార్తలు వినిపిస్తున్న తరుణంలో అభిషేకి ఇలా ఐశ్వర్య నటన గురించి ప్రశంసలు కురిపించడమే కాకుండా తనకు నచ్చిన పని చేయటానికి అభ్యంతరం లేదని చెప్పటం ఇప్పుడు ఆసక్తికరంగా మారింది. అంతేకాకుండా ఐశ్వర్య, అభిషేక్ జీవితాంతం ఇలా ఒకరికొకరు తోడుగా కలిసి ఉండాలని వారి అభిమానులు కోరుకుంటున్నారు.