Allu Arjun: నంద్యాల కేసులో అల్లు అర్జున్ కు భారీ ఊరట.. కేసు కొట్టి వేస్తూ తీర్పు!

Allu Arjun: ఐకాన్ స్టార్ అల్లు అర్జున్ కు కోర్టులో భారీ ఊరట లభించింది. ఈయన ఏపీ ఎన్నికల సమయంలో తన స్నేహితుడు శిల్పా రవిని కలవడం కోసం నంద్యాల వెళ్లారు అయితే ఎన్నికల కోడ్ ఉన్న నేపథ్యంలో ఈయన ఎలాంటి అనుమతి లేకుండా ఎన్నికల కోడ్ ఉల్లంఘిస్తూ తన స్నేహితుడిని కలిశారు అయితే అల్లు అర్జున్ వస్తున్నారనే విషయం తెలిసే పెద్ద ఎత్తున అక్కడికి అభిమానులు చేరుకున్నారు.

ఈ క్రమంలోనే నిబంధనలకు విరుద్ధంగా ఎలాంటి అనుమతులు లేకుండా అల్లు అర్జున్ రావడంతో నంద్యాల పోలీసులు తన స్నేహితుడు శిల్ప రవితో పాటు అల్లు అర్జున్ పై కూడా కేసు నమోదు చేశారు. ఇలా అల్లు అర్జున్ పై నంద్యాల పోలీసుల కేసు నమోదు చేయడంతో ఆ కేసు కొట్టివేయాలని ఇటీవల అల్లు అర్జున్ కోర్టులో పిటిషన్ వేశారు.

ఈ క్రమంలోనే నేడు ఆయన పిటిషన్ పట్ల విచారణ జరిపిన కోర్టు ఆయన కేసును కొట్టివేస్తూ తీర్పుని ఇవ్వడంతో అల్లు అర్జున్ కు భారీ ఊరట లభించింది. నంద్యాల ఎన్నికల సమయంలో అల్లు అర్జున్ తన స్నేహితుడికి మద్దతుగా అక్కడికి వెళ్లారు ఆయన ఎలాంటి ప్రచార కార్యక్రమాలలో పాల్గొనలేదు.

కేసు కొట్టివేత..
తన స్నేహితుడిని కలవడం కోసం వెళ్లడంతో ఆ విషయం తెలిసిన అభిమానులు భారీ సంఖ్యలో అక్కడికి చేరుకోవడం పట్ల పోలీసులు ఈయన పై కేసును నమోదు చేశారు. తాజాగా ఈ కేసును కొట్టి వేయడంతో అల్లు అర్జున్ కు భారీ ఊరట లభించింది. ఇక అల్లు అర్జున్ నటించిన పుష్ప2 సినిమా వచ్చే నెల ఐదో తేదీ పాన్ ఇండియా స్థాయిలో ప్రేక్షకుల ముందుకు రాబోతోంది.