Mega family: మెగా సంబరాలకు దూరంగా అల్లు కుటుంబం.. ఆ మనస్పర్ధలే కారణమా?

Mega family: పవన్ కళ్యాణ్ ఎన్నికలలో పోటీ చేసి ఆఖండమైన విజయాన్ని సొంతం చేసుకోవడంతో మెగా కుటుంబ సభ్యులందరూ కూడా ఎంతో సంతోషం వ్యక్తం చేస్తున్నారు. అయితే గెలిచిన అనంతరం పవన్ కళ్యాణ్ ప్రధానమంత్రిని కలిసి మొదటిసారి తన కొడుకు తన భార్యతో కలిసి తన అన్నయ్య చిరంజీవి ఇంటికి వెళ్లారు.

ఇక చిరంజీవి ఇంటిలో మెగా ఫ్యామిలీ మొత్తం అక్కడ చేరుకొని సంబరాలు చేసుకున్నారు. కేక్ కట్ చేసి పార్టీ చేసుకున్నారు. ఇలా పవన్ కళ్యాణ్ రావడంతో తన అక్కలు వదినమ్మలు హారతి పట్టి వెల్కమ్ చెప్పారు. అలాగే నిహారిక,శ్రీజ, ఉపాసన, లావణ్య, సాయి ధరంతేజ్, వరుణ్ తేజ్ వంటి వారందరూ కూడా అక్కడే ఉండి సందడి చేశారు.

ఇలా పవన్ కళ్యాణ్ విజయాన్ని మెగా కుటుంబ సభ్యులందరూ కూడా ఎంతో ఘనంగా సెలబ్రేట్ చేసుకున్నారు. అయితే ఈ సెలబ్రేషన్స్ లో అల్లు ఫ్యామిలీ కనిపించకపోవడంతో ఈ విషయం గురించి చర్చలు మొదలయ్యాయి. అల్లు కుటుంబ సభ్యులు ఎవరు కూడా ఈ విజయోత్సవంలో కనిపించలేదు.

మా వాడైనా పరాయి వాడే..
ఎన్నికల సమయంలో అల్లు అర్జున్ పవన్ కళ్యాణ్ కి కాకుండా వైఎస్ఆర్సిపి అభ్యర్థి తన స్నేహితుడు శిల్పా రవికి మద్దతు తెలియజేయడంతోనే మెగా అభిమానులు అల్లు అర్జున్ పై భారీ స్థాయిలో ట్రోల్ చేశారు. ఇక అల్లు అర్జున్ ని ఉద్దేశించి పరాయి వాడు అంటూ నాగబాబు కామెంట్లు చేశారు. దాంతో అల్లు కుటుంబం ఈ వేడుకలకు దూరంగా ఉన్నారని ఈ కారణమే ఇరువురి కుటుంబాల మధ్య మనస్పర్ధలకు దారితీసింది అంటూ వార్తలు వస్తున్నాయి.