అర్ధరాత్రి కేకలు పెట్టిన యువతి.. ఏం జరిగిందోనని పోలీసులకు ఫిర్యాదు చేసిన స్థానికులు.. షాక్ లో పోలీసులు..!

సాధారణంగా కొన్ని సార్లు చిన్న చిన్న శబ్దాలు కూడా మనుషులలో ఎంతో భయాందోళనకు గురి చేస్తాయి. అదే కనుక పెద్దగా, వింతైన శబ్దాలు వినిపిస్తే గుండె ఆగిపోయినంత పనవుతుంది. తాజాగా ఇలాంటి ఘటన ఒకటి అమెరికాలో చోటు చేసుకుంది. అర్ధరాత్రి నిద్ర పోతున్న సమయంలో ఓ ఇంటిలో నుంచి ఓ యువతి పెద్దపెద్దగా కేకలు వేస్తోంది. అది విన్న స్థానికులు ఏం జరిగిందోనని వెంటనే పోలీసులకు ఫిర్యాదు చేశారు. ఫిర్యాదు అందుకున్న పోలీసులు అక్కడికి చేరుకొని ఏం జరిగిందో అని ఆరా తీసిన పోలీసులకు షాకింగ్ విషయం బయటపడింది.

అమెరికాకు చెందిన హోలీ హంటర్ అనే యువతి అర్ధరాత్రి సమయంలో గట్టిగా కేకలు వేసింది.ఈ క్రమంలోనే ఏం జరిగిందని స్థానికులు పోలీసులకు ఫిర్యాదు చేయగా పోలీసులు అక్కడికి వచ్చి అసలు విషయం ఏంటని ఆరా తీశారు. ఈ క్రమంలోనే సదరు మహిళ తన బెడ్ పై పడుకొని ఉండగా ఒక సాలెపురుగు ఆమెకు దగ్గరగా రావడంతో భయపడి కేకలు వేసిందనే విషయం తెలుసుకున్న పోలీసులు ఒక్కసారిగా ఖంగు తిన్నారు.

కేవలం సాలెపురుగుకి భయపడి ఆ యువతి పెట్టిన కేకలు స్థానికులు తీవ్ర భయాందోళనలు కలిగించాయి. ఏం జరిగిందో అనే విషయం తెలియక స్థానికులు పోలీసులకు ఫిర్యాదు చేయడంతో పోలీసులు అసలు విషయాన్ని బయటపెట్టారు. కేవలం చిన్న పురుగుకు భయపడిన ఆ యువతిని చూసి పోలీసులు ఆమెపై ఏ విధమైనటువంటి చర్యలు తీసుకోకుండా నవ్వుతూ అక్కడి నుంచి వెళ్లిపోయారు.

ప్రస్తుతం ఈ ఘటనకు సంబంధించిన వార్త సోషల్ మీడియాలో తెలియడంతో ఈ విషయం కాస్త వైరల్ అయ్యింది. ఈ క్రమంలోనే కొందరు నెటిజన్లు స్పందిస్తూ.. పోలీసులు సీరియస్ గా తీసుకోలేదు కనుక సరిపోయింది.. లేదంటే ఈ పాటికి పోలీస్ స్టేషన్ లో ఉండేదని కామెంట్లు చేస్తున్నారు.