ఫోటో వైరల్ : సమోసాల పై సీరియల్ నెంబర్లు.. అవాక్కవుతున్న కస్టమర్లు..!

సాధారణంగా మన పెద్దవారు ఎప్పుడూ కూడా మనం తినే ప్రతి గింజపై మన పేరు ఉంటుందని చెబుతుంటారు. అలా మన పేరు రాసినవే మనకు దక్కుతాయని భావిస్తుంటారు. అయితే మీరు ఎప్పుడైనా సమోసాల పై సీరియల్ నెంబర్ లు ఉండడం చూశారా? వినడానికి ఆశ్చర్యంగా అనిపించినా ఇది నిజం. ఢిల్లీలోని ఒక హోటల్లో సమోసాలపై సీరియల్ నెంబర్స్ ఉండడంతో వీటిని చూసిన నెటిజన్లు ఎంతో ఆశ్చర్యం వ్యక్తం చేస్తున్నారు. ప్రస్తుతం ఈ సమోసాలకు సంబంధించిన ఫోటోలు సోషల్ మీడియాలో వైరల్ అవుతున్నాయి.

ఢిల్లీకి చెందిన నితిన్‌ మిశ్రా అనే వ్యక్తి ఒక హోటల్ నుంచి సమోసాలు ఆర్డర్ ఇచ్చారు. ఈ క్రమంలోనే సమోసాలు అతని ఇంటికి డెలివరీ అయ్యాయి. అయితే ఆ సమోసాలను తినాలని భావించిన నితిన్ మిశ్రాకు ఆ సమోసాలు పై సీరియల్ నెంబర్ ఉండడం చూసి ఎంతో ఆశ్చర్యం వ్యక్తం చేశారు. ఈ క్రమంలోనే ఆ సమోసా ఫోటోలను తన ట్విట్టర్ ద్వారా పోస్ట్ చేస్తూ.. నేను ఆర్డర్ ఇచ్చిన సమోసాల పై సీరియల్ నెంబర్లు ఉన్నాయి.. టెక్ ప్లీజ్..నా హల్వాయికి దూరంగా ఉండవా అంటూ క్యాప్షన్ ఇచ్చారు.

ప్రస్తుతం ఈ ఫోటోలు సోషల్ మీడియాలో వైరల్ గా మారాయి. ఈ ఫోటోలను చూసిన కొందరు నెటిజన్లు ఎంతో ఆశ్చర్యం వ్యక్తం చేస్తున్నారు. సమోసాల పై నెంబర్లు ఏంటి.. కొద్ది రోజులు పోతే క్యూఆర్ కోడ్ లు కూడా వస్తాయేమో అంటూ తనదైన శైలిలో కామెంట్లు చేస్తున్నారు. మరికొందరు ఈ విధమైనటువంటి సమోసాలు ఈటరీ ‘సమోసా పార్టీ’ కి చెందినవి అంటూ కామెంట్ చేయగా మరికొందరు హోటల్ సిబ్బంది తినకుండా ఉండడం కోసం ఈ విధంగా నెంబర్స్ వేస్తున్నారా అంటూ తనదైన శైలిలో కామెంట్ల వర్షం కురిపిస్తున్నారు.