Anchor Anasuya: రెండో పెళ్లి చేసుకోమన్న నేటిజన్.. ఆలోచనలో పడ్డ అనసూయ.. వైరల్ అవుతున్న పోస్ట్!

Anchor Anasuya: బుల్లితెరపై ఎంతో పేరు ప్రఖ్యాతలు సంపాదించుకున్న అనసూయ గురించి ప్రత్యేకంగా చెప్పాల్సిన పని లేదు.ఈమె జబర్దస్త్ కార్యక్రమం ద్వారా ఎంతో మంచి గుర్తింపు సంపాదించుకొని అనంతరం అదే పాపులారిటీతో వరుస సినిమా అవకాశాలను అందుకున్నారు.ఇలా సినిమా అవకాశాలతో బిజీగా ఉన్నటువంటి అనసూయ బుల్లితెర కార్యక్రమాలకు పూర్తిగా దూరమయ్యారు.

ప్రస్తుతం అనసూయ వరుస సినిమా షూటింగులతో ఎంతో బిజీగా ఉండడమే కాకుండా సోషల్ మీడియాలో కూడా ఎంతో యాక్టివ్ గా ఉంటున్నారు. సోషల్ మీడియా వేదికగా తనకు సంబంధించిన అన్ని విషయాలను అభిమానులతో పంచుకునే అనసూయ ఇంస్టాగ్రామ్ వేదికగా అభిమానులతో కలిసి చిట్ చాట్ నిర్వహించారు. ఈ సెషన్ లో భాగంగా అభిమానులు అడిగే ప్రశ్నలకు సమాధానం చెప్పారు.

ఇలా అభిమానులు అడిగే ఎన్నో ప్రశ్నలకు సమాధానాలు చెప్పిన అనసూయకు ఓ నెటిజన్ నుంచి విచిత్రమైన ప్రశ్న ఎదురయింది. ఈ క్రమంలోనే అనసూయను ప్రశ్నిస్తూ ఎన్నిసార్లు నన్ను పెళ్లి చేసుకోమని అడగాలి. ఈ విషయంపై ఏమాత్రం స్పందించడం లేదు అంటూ ప్రశ్నించారు. ఈ విధంగా అనసూయకు నేటిజన్ నుంచి పెళ్లి ప్రపోజల్ రావడంతో ఒక్కసారిగా అనసూయ షాక్ కి గురైంది.

Anchor Anasuya: అలా సమాధానం చెప్పిన అనసూయ…

ఈ క్రమంలోనే నేటిజన్ కి రిప్లై ఇస్తూ..మౌనంగా ఉన్నటువంటి ఎమోజీని షేర్ చేయడమే కాకుండా తను ఆలోచనలో ఉన్నటువంటి ఒక ఫోటోని కూడా షేర్ చేశారు. ఈ క్రమంలోనే ఈ పోస్ట్ వైరల్ కావడంతో ఎంతో మంది నెటిజన్లు ఈ పోస్ట్ పై స్పందిస్తూ రెండో పెళ్లి గురించి అనసూయ ఆలోచనలో పడ్డారా…ఈ పోస్ట్ కు అదే అర్థమా అంటూ కామెంట్లు చేస్తున్నారు. ఇకపోతే అనసూయ తాజాగా గాడ్ ఫాదర్ సినిమా ద్వారా ప్రేక్షకుల ముందుకు వచ్చారు.