Anil Ravipudi : ట్రోలింగ్ పై స్పందించిన అనిల్… కావాలనే కొంతమంది నాపై ట్రోలింగ్ చేయిస్తున్నారంటూ కామెంట్స్..!

Anil Ravipudi : అనిల్ రావిపూడి ఇపుడు f3 సినిమా ప్రచార కార్యక్రమాలతో ప్రస్తుతం మీడియాలో బాగా వినిపిస్తున్న పేరు. ప్రమోషన్సలో భాగంగా అనిల్ ఇంటర్వ్యూల్లో పాల్గొంటూ సినిమా గురించిన వివరాలను చెబుతూనే, తన నెక్స్ట్ ప్రాజెక్ట్ గురించి, తన వ్యక్తిగత విషయాల గురించి చెప్తున్నారు. శుక్రవారం నాడు విడుదల కాబోతున్న ఈ సినిమాపై మంచి అంచనాలే ఉన్నాయి. సినిమాకి మొదటిరోజు గనుక పాజిటివ్ టాక్ వచ్చిందంటే ఖచ్చితంగా ఒక పదిరోజులు మంచి వసూళ్లను రాబట్టుకుంటుంది.

ఆ హక్కు నాకు లేదు……

ఇక ఈ సినిమా ముచ్చట్లలో భాగంగా మీడియాలో అడిగిన రకరకాల ప్రశ్నలకు అనిల్ సమాధానాలు చెప్పారు. ఇక తనపై వస్తున్న ట్రోలింగ్ గురించి తొలిసారి స్పందించారు. ఇక అనిల్ మాట్లాడుతూ కావాలనే కొంతమంది టీంగా ఏర్పడి తనపై సోషల్ మీడియాలో ట్రోలింగ్ కి పాల్పడుతున్నారని అన్నారు. ఒకవేళ వాళ్లు ట్రోల్ చేసినట్టు నా సినిమాల్లో తప్పులు ఉంటే ఎందుకు ఆడుతాయని ప్రశ్నించారు. నా సినిమాలను ఎంజాయ్ చేసే వాళ్లు ఉన్నారు కాబట్టి సినిమాలు హిట్ అవుతున్నాయని, లెట్ దెమ్ ఎంజాయ్ అంటూ మాట్లాడారు. అలా ట్రోల్ చేసే టీంకి అదొక ఎంజాయ్ మెంట్ అని దాన్ని కాదనే హక్కు నాకు లేదని చెప్పారు.

అయితే ఆ టీం ఎవరో తనకు తెలుసంటూ అసలు విషయం మాత్రం చెప్పలేదు అనిల్ రావిపూడి. ఇక f2 తరువాత f3 సినిమా తీసిన అనిల్ ఆ తరువాత f4 కూడా ఉంటుందని క్లారిటీ ఇచ్చాడు. F2 కి, f3 కి కథలో సంబంధం లేదని అయితే పాత్రలు మాత్రం అవేనని అదనంగా మరికొంతమంది నవ్వులు పంచుతారని ఇక మరీ ముఖ్యంగా చాలా ఏళ్ల తరువాత సునీల్ బాగా నవ్విస్తారని చెప్పాడు.