Bhalakrishana: సీనియర్ హీరో నందమూరి బాలకృష్ణ ప్రస్తుతం గోపీచంద్ మలినేని సినిమాతో బిజీ కానున్నారు. ఈ ఏడాది గోపీచంద్ మలినేని క్రాక్ఈ సినిమా ద్వారా అద్భుతమైన విజయాన్ని తన ఖాతాలో వేసుకున్నారు. ఇదే ఊపుతో ఒక అద్భుతమైన కథతో బాలకృష్ణ హీరోగా మరొక సినిమా ద్వారా ప్రేక్షకుల ముందుకు రావడానికి సిద్ధమయ్యారు.

ఇదిలా ఉండగా బాలకృష్ణ హీరోగా తెరకెక్కుతున్న ఈ సినిమాలో బాలకృష్ణతో పోటీ పడటానికి గోపీచంద్ మరో హీరోని రంగంలోకి దింపినట్లు తెలుస్తోంది.ఈ క్రమంలోనే ఎన్నో సినిమాల ద్వారా మంచి గుర్తింపు సంపాదించుకున్న హీరో అర్జున్ బాలకృష్ణ సినిమాలో విలన్ గా నటిస్తున్నట్లు సమాచారం.

త్వరలోనే ఈ విషయాన్ని చిత్రబృందం అధికారిక ప్రకటన చేయనున్నట్లు తెలుస్తోంది. ఇకపోతే అర్జున్ ఇప్పటికే “లై”, “నా పేరు సూర్య నా ఇల్లు ఇండియా”వంటి చిత్రాలలో విలన్ పాత్రలో నటించారు.ప్రస్తుతం అర్జున్ రవితేజ ఖిలాడీ సినిమాలో కూడా కీలక పాత్రలో కనిపించబోతున్నారు.

జనవరి చివరిలో షూటింగ్ ప్రారంభం:

ఈ క్రమంలోనే ఈ సారి ఏకంగా బాలకృష్ణతో పోటీకి ఈ హీరో సై అంటున్నట్లు సమాచారం. ఇక ఈ సినిమాలో బాలకృష్ణ సరసన శృతిహాసన్ హీరోయిన్ పాత్రలో నటిస్తున్నారు. ఇప్పటికే పూజా కార్యక్రమాలను పూర్తి చేసుకున్న ఈ సినిమా జనవరి చివరి వారం నుంచి వరుస షూటింగ్ ప్రారంభించబోతుంది.