Arjun Sarja : చిరంజీవి గారు నాకు ఫోన్ చేసి అలా మాట్లాడారు.. మిస్ యూ అన్న పదంకి అర్థం ఆమె చనిపోయాకే తెలిసింది..!

Arjun Sarja : యాక్షన్ హీరో అర్జున్ అనగానే అసలు ఇతను ఏ ఇండస్ట్రీ హీరో అంటే చెప్పడం కష్టమే. ఎందుకంటే 90 లలో దాదాపు తెలుగు, తమిళ, కన్నడ ఇండస్ట్రీలలో హిట్లు కొట్టి అన్ని భాషల ప్రేక్షకులకు దగ్గరయ్యాడు. అర్జున్ అసలు పేరు శ్రీనివాస సర్జా, మధుగిరి కర్ణాటకలో జన్మించిన ఈయన కెరీర్ మాత్రం తమిళ ఇండస్ట్రీ లో శంకర్ దర్శకత్వంలో జెంటిల్ మెన్ సినిమా హిట్ తో మొదలయింది. 1993 లో వచ్చిన ఈసినిమా సూపర్ హిట్ అయింది. అయితే అప్పటికే తెలుగులో మా పల్లెలో గోపాలుడు సినిమాలో నటించాడు. ఇక తమిళంలో మాధవలన్ తెలుగులో ఒకేఒక్కడు సినిమాతో మరోసారి హిట్ కొట్టాడు. ఇక యాక్షన్ సినిమాలతో ఫ్యాన్స్ ను పెంచుకున్న అర్జున్ యాక్షన్ కింగ్ అయ్యాడు.

చిరంజీవి ఫోన్ చేసి అలా అంటరాని అనుకోలేదు….

రొమాంటిక్ లవ్ డ్రామా సినిమా రిధమ్ సినిమాతో అటు తమిళ్ ఇటు తెలుగులో మళ్ళీ హిట్ కొట్టిన అర్జున్ ఇక తెలుగు సినిమాలలో కూడా సక్సెస్ అయ్యాడు. శ్రీ మంజునాథ, జగపతి బాబు తో కలిసి హనుమాన్ జంక్షన్, స్వాగతం, పుట్టింటికి రా చెల్లి శ్రీ ఆంజనేయం, లై, ఇక లేటెస్ట్ గా ఖిలాడి వంటి సినిమాల్లో నటించారు. అటు సినిమాల్లో హీరోగా చేస్తూనే విలన్ గాను అలరించాడు. ఇక ఇపుడు విలన్ గాను మరియు క్యారెక్టర్ ఆర్టిస్ట్ గా నటిస్తున్న ఆయన జ్ఞాపకాలను పంచుకున్నారు. శ్రీ మంజునాథ సినిమా విడుదల తరువాత సినిమాలో లాస్ట్ సీన్ చూసి చిరంజీవి ఫోన్ చేసి చాలా బాగా చేసావ్ అని చెప్పడం మర్చిపోలేనని ఆయన అలా ఫోన్ చేస్తారని అనుకోలేదని చెప్పాడు.

మిస్ యూ అన్న పదంకి అర్థం తాను పోయాక తెలిసింది, ఇప్పటికి ఆమెను మిస్ అవుతున్నా….

ఇక ఇండస్ట్రీ లో జగపతి బాబు, నేను, సౌందర్య చాలా క్లోజ్ ఫ్రెండ్స్ గా ఉండేవాళ్ళమని అర్జున్ చెప్పారు. సౌందర్య చాలా మంచి అమ్మాయి. తాను చాలా పద్దతిగా, కల్చర్డ్ గా ఉండేదని చెప్పారు. ఆమె లేని లోటు ఇప్పటికి ఉందని. ఎప్పుడైనా ఏదైనా విషయం ఫ్రెండ్ తో షేర్ చేయాలన్నపుడు సౌందర్య కి మెసేజ్ చేద్దామా అని ఇప్పటికి టక్కున గుర్తొస్తుందని, మిస్ యూ అన్న పదాలకు అర్థం ఆమె మరణించాకే తెలిసిందని చెప్పాడు.