Astrologer Venu Swamy : మెగా వారసురాలి జాతకం ఎలా ఉండనుంది… మెగా వంశంలో ఏం జరగబోతుందంటే…: ఆస్ట్రాలజర్ వేణు స్వామి

Astrologer Venu Swamy : మెగాస్టార్ చిరంజీవి తనయుడు రామ్ చరణ్ మెగా కోడలు ఉపాసనకు జూన్ 20 న కూతురు పుట్టింది. పాప పుట్టగానే అటు మెగా ఫ్యామిలీ లోనూ ఇటు మెగా అభిమానుల సంతోషానికి అవధులు లేకుండా పోయాయి. నిన్నటినుండి సోషల్ మీడియాలో ఈ న్యూస్ బాగా వైరల్ అవుతోంది. మంగళవారం నాడు మా ఇంటికి లక్ష్మి దేవి వచ్చిందంటూ చిరంజీవి గారు మానవరాలి గురించి చెబుతూ ఆనందపడిపోయారు. అయితే ఇపుడున్న సోషల్ మీడియా ఎవరినీ వదలదు. ఇన్నిరోజులు మెగా ఇంట్లో వారసులు రాలేదని రామ్ చరణ్, ఉపాసన లను ట్రోల్ చేసారు. ఇక ఉపాసన ప్రెగ్నెంట్ అయ్యాక ఆమె గర్భవతి అయినా కడుపు కనిపించడం లేదు అంటూ సరోగసీ అంటూ ఏవేవో మాట్లాడారు. తాజాగా పుట్టిన పసిపాపను కూడా వదలడం లేదు. రోజూ పాప జాతకం అంటూ మెగా వంశాన్ని పాప జాతకం ఎలా మార్చబోతోంది అంటూ హడావిడి చేస్తున్నారు. తాజాగా సెలబ్రిటీల ఆస్ట్రాలజర్ గా చెప్పుకునే వేణుస్వామి మెగా వారసురాలి జాతకం చెప్పారు.

మెగా ఇంటికి లక్ష్మీదేవి వచ్చింది…

రామ్ చరణ్, ఉపాసన గారికి మంగళవారం నాడు పండంటి పాప పుట్టింది. పాప పుట్టిన నక్షత్రం పునర్వసు కాగా మంగళవారం నాడు గురు ఛండాల యోగంలో పుట్టడం వల్ల పాప మెగా ఇంటికి రాజయోగం తెస్తుందని నిజంగానే మెగా ఇంటికి లక్ష్మి దేవి వచ్చిందంటూ చెప్పారు. రామ్ చరణ్ రోహిణి నక్షత్రంలో జన్మించిగా ఉపాసన కృతిక నక్షత్రం కాగా పాప పునర్వసులో జన్మించింది.

రోహిణి నక్షత్రం కృష్ణుడు, కృతిక అమ్మవారి నక్షత్రం కాగా పాప పునర్వసు నక్షత్రం రాముడి నక్షత్రం ఇలా మూడూ దేవునికి సంబంధించిన నక్షత్రాలే అంటూ చెప్పారు. పాప గురు ఛండాల యోగంలో పుట్టడం వల్ల మరో బిడ్డ రామ్ చరణ్ దంపతులకు ఉండకపోవచ్చు. మెగా ఇంట వారసుడు ఉండకపోవచ్చు అంటూ వేణుస్వామి చెప్పారు. ఇక పాపకి చిన్న చిన్న పంటికి సంబంధిచిన ఆరోగ్య సమస్యలు వస్తాయి అంతే మంచి రాజయోగ జాతకురాలు అంటూ వేణుస్వామి చెప్పారు.