అవసరాల శ్రీనివాస్ పెళ్లి చేసుకోకుండా ఉండటానికి కారణం అదేనా..?

అష్టాచమ్మాతో నటుడిగా తెలుగు తెరకు పరిచయమై దర్శకుడిగా, రచయితగా ప్రత్యేకతను చాటుకున్నారు శ్రీనివాస్‌ అవసరాల. ఊహలు గుసగుసలాడే, జ్యో అచ్యుతానంద అనే రెండు సినిమాలకు దర్శకత్వం కూడా వహించాడు శ్రీనివాస్. ప్రస్తుతం అతడు రచయితగా, హీరోగా.. ‘నూటొక్క జిల్లల అందగాడు’ ను ప్రేక్షకుల ముందుకు తీసుకొచ్చాడు.

సెప్టెంబర్ 3 న విడుదలైన ఈ సినమా ప్రేక్షకులను ఎంతగానే అలరిస్తోంది. ఇంతలా అతడు సినీ పరిశ్రమలో దూసుకుపోతున్న అవసరాల శ్రీనివాస్.. వ్యక్తిగత జీవితానికి వస్తే.. పెళ్లి మాత్రం ఇంత వరకు చేసుకోలేదు. దీనికి గల కారణాలను అతడు ఓ యూ ట్యూబ్ చానల్ ఇంటర్వ్యూలో చెప్పాడు. కాకినాడలో జన్మించిన అతడు విద్యాభ్యాసం అంతా హైదరాబాద్ లోనే జరిగినట్లు తెలిపాడు.

ఏ తల్లిదండ్రులకు తమ కుమారుడిని మంచి ప్రయోజకుడిగా చూడాలని అనుకుంటారు.. అంతే కాకుండా తన వ్యక్తి గత జీవితం కూడా బాగుండాలని కోరుకుంటారు. పెళ్లి విషయంలో అతడు తల్లిదండ్రులకు ఇష్టం లేదని చెప్పాడట. ఇప్పుడు చేసుకోవడం అస్సలు ఇష్టంలేదని.. ఈ విషయంపై తన తండ్రిని కూడా కన్విన్స్ చేసినట్లు చెప్పారు.

దానికి తన తండ్రి కొంచెం జలసీగా కూడా ఫీల్ అయ్యారని నవ్వుతూ చెప్పారు. ఈ విషయంపై తన తండ్రితో రోజూ మాట్లాడుతున్నట్లు.. పెళ్లి చేసుకోకుండా ఉంటేనే బెటర్ అని తన తండ్రి అనుకుంటున్నట్లు తను అభిప్రాయపడుతున్నట్లు శ్రీనివాస్ చెప్పుకొచ్చారు. పెళ్లి అనేది వయస్సు వచ్చిన తర్వాత నిర్ణయం తీసుకునే విషయం కాదని.. ఓపిక లేక నిర్ణయం తీసుకునే విషయం అంటూ చెప్పాడు. పెళ్లి చేసుకోకుండా ఉంటానికి గల కారణం అంటూ ఏమి లేదని అతడు చెప్పాడు.