మా ఎన్నికల గురించి సంచలన వ్యాఖ్యలు చేసిన బాబు గోగినేని.. నల్లా దగ్గర లొల్లి అంటూ..!

అక్టోబర్ 10వ తేదీన మా ఎన్నికలు దగ్గర పడుతున్న కొద్దీ మా సభ్యుల మధ్య మాటలు తారాస్థాయికి చేరుకుంటున్నాయి. ఈ క్రమంలోనే ఒకరి ప్యానెల్ సభ్యుల పై మరొకరు తీవ్ర స్థాయిలో విమర్శలు కురిపిస్తూ పెద్ద ఎత్తున ప్రచారాలు నిర్వహిస్తున్నారు. ఈ క్రమంలోనే వారి ప్యానెల్ సభ్యులకు మద్దతు తెలుపుతున్న వారు సైతం మీడియా వేదికగా మరొకరు పై విమర్శలు చేస్తున్నారు.

ఈ క్రమంలోనే మా ఎన్నికల పై బాబు గోగినేని స్పందించారు. ఇదివరకే ఒక సారి మా ఎన్నికల గురించి బాబు గోగినేని మాట్లాడుతూ తమదైన శైలిలో కొందరి పై తీవ్రస్థాయిలో ఆగ్రహం వ్యక్తం చేశారు. తాజాగా మరోసారి బాబు గోగినేని మీడియాతో మాట్లాడుతూ సంచలన వ్యాఖ్యలు చేశారు. ప్రతి ఒక్కరూ బెదిరింపు మాటలు బడాయి మాటలే మాట్లాడతారు అంటూ బాబు గోగినేని మా ఎన్నికల గురించి స్పందించారు.

ప్రస్తుతం మా ఎన్నికలలో ఓటుకు 10,000 ఇస్తున్నారంటూ ఆరోపణలు వచ్చాయి.ఈ విషయంపై బాబు గోగినేని మాట్లాడుతూ ఓటుకు నోటు అంటూ మా ప్రతిష్టను బ్రష్టు పట్టిస్తున్నారు. పరస్పరం ఒకరిపై ఒకరు విమర్శలు చేసుకుంటూ నువ్వు మగాడివైతే అంటూ మాట్లాడడం వెంటనే నీకు డీసెంన్సీ అంటూ ప్రశ్నించడమే కాకుండా మా కుటుంబం మమ్మల్ని ఇలా పెంచింది అంటూ మురిసిపోవడం ఏంటి అంటూ షాకింగ్ కామెంట్ చేశారు.

మీరు ఈ విధమైనటువంటి మాటలు మాట్లాడుతుంటే మీ ప్యానెల్ లోని ఆడవాళ్లు ఏం చేస్తున్నారు? పైగా సినీపెద్దలట .. హీరోయిన్ల పై చేతులు చేసుకునేవారు సినీపెద్దలా?సినిమా ఇండస్ట్రీలో మీటు ఉద్యమం జరుగుతున్నప్పుడు నక్కినక్కి చూస్తున్న వారు సినీపెద్దలా? సినిమాలలో డూప్ పెట్టుకొనే వీళ్లు హీరోలా… పక్క రాష్ట్రాల నుంచి హీరోయిన్లను తేప్పించుకున్న వారే అడగాలి మా ఎన్నికలలో అధ్యక్షత పదవికి పోటీ చేయడం కోసం ప్రాంతీయంగా ఎవరు దొరకలేదా…అని ఆపండి మీ నల్లా దగ్గర లొల్లి అంటూ తనదైన శైలిలో మా ఎన్నికల గురించి బాబు గోగినేని షాకింగ్ కామెంట్ చేశారు.