Babu Mohan: తెలుగు సినిమా ఇండస్ట్రీలో కమెడియన్ గా ఎన్నో సినిమాలలో నటించి వివిధ పురస్కారాలను అందుకున్న సీనియర్ నటుడు బాబు మోహన్ గురించి ప్రత్యేకంగా చెప్పాల్సిన పనిలేదు. ఈయన సినీ కెరీర్ లోనే కాకుండా రాజకీయాలలో కూడా ఎంతో చురుగ్గా పాల్గొంటున్నారు.ప్రస్తుతం వయసు పైబడటంతో సినిమాలకు దూరంగా ఉన్న బాబు మోహన్ పలు ఇంటర్వ్యూలలో పాల్గొని ఇండస్ట్రీ గురించి పలు కీలక వ్యాఖ్యలు చేస్తున్నారు.
ఈ సందర్భంగా ఒక ఇంటర్వ్యూలో పాల్గొన్న బాబు మోహన్ సినీ ఇండస్ట్రీ పెద్ద గురించి మాట్లాడారు.దాసరి గారి మరణం తర్వాత ఇండస్ట్రీకి పెద్ద దిక్కు లేరని ఉన్నా కూడా పెద్దగా పరిశ్రమ గురించి పట్టించుకోవడం లేదు అంటూ వ్యాఖ్యానించారు. అదేవిధంగా మా ఎన్నికల గురించి కూడా ఆయన ఈ సందర్భంగా మాట్లాడారు.
మా ఎన్నికలలో భాగంగా ఎక్కడో బెంగళూరు, చెన్నై వంటి ప్రాంతాలలో పుట్టినవారు ఇక్కడికి వచ్చి మా ఎన్నికలలో పోటీ చేస్తాం అనడం ఏంటి? అదే ఒక తెలుగువారిని చెన్నైలో ఎన్నుకోమనండి చూద్దాం అంటూ బాబు మోహన్ పరోక్షంగా విలక్షణ నటుడు ప్రకాష్ రాజ్ పై మరోసారి ఘాటుగా విమర్శలు చేశారు. బెంగళూరులో మన తెలుగు సినిమాలు కూడా పెద్దగా ఆడనివ్వరు. అలాంటిది కన్నడ చిత్ర పరిశ్రమకు చెందిన ఒక వ్యక్తి వచ్చి మా ప్రెసిడెంట్ గా ఎలా పోటీ చేస్తాడు అంటూ ప్రశ్నించాడు.
ఎవరికి పట్టం కట్టాలో వారికే కట్టారు..
ఇలా గతంలో జరిగిన మా ఎన్నికలలో భాగంగా మా ప్రెసిడెంట్ గా ఎవరికి పట్టం కట్టాలో వారికే పట్టం కట్టారని, వారినే గెలిపించారని ఈ సందర్భంగా బాబు మోహన్ తెలిపారు. ఇకపోతే గత ఎన్నికలలో భాగంగా మంచు విష్ణు మా ప్రెసిడెంట్ గా గెలిచిన విషయం మనకు తెలిసిందే. ఈ క్రమంలోనే ఈయన ప్రకాష్ రాజ్ పై పరోక్షంగా విమర్శలు చేశారు.