Baby heroine Vaishnavi : ఎన్నో అవమానలను ఎదుర్కొన్నా… నన్ను నమ్మి ఈ ఛాన్స్ ఇచ్చింది ఆయనే…: బేబీ హీరోయిన్ వైష్ణవి

Baby heroine Vaishnavi : యూట్యూబర్ గా అందరికీ సుపరిచితురాలైన వైష్ణవి, యూట్యూబ్ ద్వారా బాగా ఫేమస్ అయి ఆ తరువాత పలు వెబ్ సిరీస్ లలో కూడా నటించింది. అలా మంచి పేరు తెచ్చుకున్న వైష్ణవి ఒకవైపు వెబ్ సిరీస్ లతో పాటు సోషల్ మీడియా ఇన్ఫ్లుయెన్సర్ గా ప్రేక్షకులకు దగ్గరయింది. కొన్ని సినిమాల్లో సహాయక పాత్రలను చేస్తూ మెప్పించిన వైష్ణవి తాజాగా ‘బేబీ’ అనే సినిమాలో లీడ్ రోల్ చేసింది. అ సినిమా ప్రీ రిలీజ్ ఈవెంట్ లో తన కెరీర్ లో ఎదుర్కొన్న కష్టాలను గూర్చి ఎమోషనల్ గా మాట్లాడింది వైష్ణవి.

ఆయనే నన్ను నమ్మిన వ్యక్తి…

సోషల్ మీడియాలో వీడియోలు చేసుకునే తాను సినిమాల్లో హీరోయిన్ ఫ్రెండ్ గానో ఎక్కడో ఒక నిమిషం కనిపించే పాత్రలలో చేస్తూ ఉన్న తనకు హీరోయిన్ గా అవకాశం వస్తుందని ఎపుడూ అనుకోలేదని వైష్ణవి చెప్పింది. హీరోయిన్ గా చేయాలని ఉన్నా తనను ఎవరు పెట్టుకుంటారు అనుకునేదాన్ని కానీ బేబీ సినిమా డైరెక్టర్ సాయి రాజేష్ నన్ను నాకన్నా ఎక్కువగా నమ్మి ఈ సినిమాలో హీరోయిన్ గా పెట్టుకున్నారు. నేను హీరోయిన్ అనగానే భయపడ్డాను, చేయగలనా అనిపించింది కానీ ఆయన ఇచ్చిన నమ్మకం వల్లే చేయగలిగాను.

ఇక్కడ దాకా రావడానికి ఎన్నో అవమానాలను ఎదుర్కొన్నాను. ఒక సినిమాలో చిన్న క్యారెక్టర్ చేసినపుడు నిమిషం కనిపించినా నా వాళ్లందరినీ తీసుకెళ్లి చూపించేదాన్ని, ఏరోజు కైనా హీరోయిన్ అవుతానా అనుకునేదాన్ని అంటూ ఎమోషనల్ అయింది వైష్ణవి. నిర్మాత ఎస్కేఎన్ నన్ను ఒక బేబీలాగానే చూసుకున్నారు అంటూ సినిమా ప్రీ రిలీజ్ ఈవెంట్ లో కంటతడి పెట్టుకుంది వైష్ణవి. బేబీ సినిమాలో విజయ దేవరకొండ తమ్ముడు ఆనంద్ దేవర కొండ హీరో కాగా విరాజ్ అశ్విన్, వైష్ణవి చైతన్య కీలకపాత్రల్లో నటిస్తున్నారు. ఈ సినిమా జులై 14న విడుదల సందర్భంగా ప్రీ రిలీజ్ ఈవెంట్ నిర్వహించారు.