Balakrishna: ఆదివారము వస్తే బాలయ్య ఆ పని అస్సలు చేయరా… చేస్తే ప్రమాదం తప్పదా?

Balakrishna: నందమూరి నట సింహం బాలకృష్ణ తాజాగా సంక్రాంతి పండుగను పురస్కరించుకొని డాకు మహారాజ్ అనే సినిమా ద్వారా ప్రేక్షకుల ముందుకు వచ్చారు. ఈ సినిమా ఎంతో అద్భుతమైన విజయాన్ని సొంతం చేసుకుంది. ఇక ఈ సినిమా మంచి సక్సెస్ కావడంతో చిత్ర బృందం సక్సెస్ సెలబ్రేషన్స్ కూడా నిర్వహిస్తున్నారు. ఈ క్రమంలోనే చిత్ర బృందం మొత్తం యాంకర్ సుమతో కలిసి ఒక ఇంటర్వ్యూ చేశారు.

ఈ ఇంటర్వ్యూ సందర్భంగా బాలకృష్ణ ఒక ఆసక్తి కరమైన విషయాన్ని బయట పెట్టారు. బాలకృష్ణ తన నిజ జీవితంలో కూడా ఎన్నో రకాల సెంటిమెంట్లను నమ్ముతారనే విషయం మనకు తెలిసిందే. కచ్చితంగా బాలయ్య ఈ సెంటిమెంట్లను ప్రతి సందర్భంలోనూ ఫాలో అవుతూ ఉంటారట. అలాంటి వాటిలో ఆదివారం కూడా ఒక సెంటిమెంట్ తప్పకుండా ఫాలో అవుతారని తెలుస్తుంది. ఆదివారం వచ్చిందంటే బాలకృష్ణ పొరపాటున కూడా నలుపు రంగు దుస్తులు వేసుకోను అంటూ ఈ సందర్భంగా బయటపెట్టారు.

ఇలా బాలకృష్ణ ఆదివారం నలుపు రంగు దుస్తులు వేసుకోకపోవటానికి కారణం ఏంటనే విషయాన్ని కూడా ఈయన బయటపెట్టారు. ఆదివారం ప్రత్యాతి దేవతలందరూ ఉంటారని తాను భావిస్తాను అందుకే ఆదివారం నలుపు రంగు వేసుకోను అలా నలుపు రంగు వేసుకుని వెళ్తే కనుక ఏదో ఒక ప్రమాదం జరుగుతుందని బాగా నమ్ముతాను అందుకే తాను ఆదివారం వచ్చిందంటే కచ్చితంగా ఈ సెంటిమెంట్ ఫాలో అవుతానని తెలిపారు.

నలుపు రంగు దుస్తులు…
ఇకపోతే ఆదిత్య 369 సినిమా షూటింగ్ సమయంలో ఆదివారం షూటింగ్ జరుగుతుంది తాను నలుపు రంగు వేసుకొని అని చెప్పినా దర్శకులు సూచనలు మేరకు ఆ రోజు నలుపు రంగు దుస్తులు వేసుకున్నాను అయితే ఈ సినిమా నిర్మాతలలో ఒకరైన ఎస్పీ బాలసుబ్రమణ్యం గారు అదే రోజు సినిమా షూటింగ్ సెట్ కు వచ్చారు. ఆయన వస్తున్నారని తెలిసి నేను వెళ్ళగా తన కళ్ళముందే జారి కింద పడిపోయానని ఆ సమయంలో నా నడుము విరిగిందని తెలిపారు. అందుకే ఆదివారం తాను నలుపు రంగు దుస్తులు వేసుకోను ఒకవేళ వేసుకుంటే ఇలాంటి ప్రమాదాలు జరుగుతాయి అంటూ ఈ సందర్భంగా బాలకృష్ణ చేసిన కామెంట్స్ వైరల్ అవుతున్నాయి.