Bandi saroj Kumar : లక్ష్మీస్ ఎన్టీఆర్ తీసి వాళ్ళ ఫ్యామిలీని గబ్బు పట్టించారు… అసలు నిజం…!

Bandi Saroj Kumar : తమిళ, తెలుగు భాషలలో సమాజానికి ఉపయోగపడే సినిమాలను డైరెక్ట్ చేస్తూ గుర్తింపు తెచ్చుకున్న యువ దర్శకుడు బండి సరోజ్ కుమార్. హైదరాబాద్ కి చెందిన సరోజ్ కుమార్ ప్రస్థానం, నిర్భంధం, నిర్భంధం 2 సినిమాలతో తెలుగులో మంచి పేరు తెచ్చుకున్నాడు. అలానే తమిళంలో తీసిన పోర్కాలం సినిమాతో మంచి గుర్తింపు తెచ్చుకున్నాడు. సమాజం మీద ప్రభావం చూపే సినిమాలను తీసే బండి సరోజ్ కుమార్ సినిమాలు సాధారణ జనాలమీద ఎలాంటి ప్రభావం చూపుతాయి అన్న అంశం గురించి ఇటీవల ఇంటర్వ్యూలో మాట్లాడుతూ లక్ష్మిస్ ఎన్టీఆర్ సినిమా గురించి మాట్లాడారు.

ఆ సినిమా తీసి ఆ ఫ్యామిలీని గబ్బు పట్టించారు…

లక్ష్మీస్ ఎన్టీఆర్ అంటూ లక్ష్మి పార్వతి ని నందమూరి ఫ్యామిలీ ఎలా అవమానాలకు గురి చేసింది, ఎన్టీఆర్ ను లక్ష్మి పార్వతి ఎలా ప్రేమించి పెళ్లి చేసికుంది అన్న కోణంలో క్రితం ఎలక్షన్ ముందు ఆ సినిమాను తీశారు. అయితే ఆ సినిమా ద్వారా ఎన్టీఆర్ ఫ్యామిలీని గబ్బు చేసారంటూ బండి సరోజ్ మాట్లాడారు. 90లలో పుట్టిన తరం వారికి అప్పట్లో ఏం జరిగిందో పెద్దగా తెలియదు, కేవలం వేరే వాళ్ళు చెప్పిన విషయాలను విని ఒక ఒపీనియన్ కి రావాలి, నిజం ఏంటో తెలియదు.

ఆ సినిమాలో ఒక వైపు చూపించారు, జనాలను తప్పు దోవ పట్టించారు అంటూ బండి సరోజ్ కుమార్ అభిప్రాయపడ్డారు. నేను లక్ష్మి పార్వతి గారి స్పీచులు అలాగే అప్పుడు జరిగిన కొన్ని సంఘటనలు నాకు గుర్తున్నవి అన్నింటినీ కలిపి డాక్యుమెంటరీ తీసాను అంటూ తెలిపారు. ఒక సినిమాలో సమాజంలో ఉన్న విషయాలను చెప్పాలి, సమస్యలను సమాజంలోనివే తీసుకోవాలి కానీ డైరెక్టర్ అభిప్రాయాలను రుద్దకూడదు. నేను ఎవరి అభిమానిని కాదు, పాలిటిక్స్ లో న్యూట్రల్ గా ఉంటాను అంటూ ఆయన అభిప్రాయాలను బండి సరోజ్ చెప్పారు.