Ram Gopal Varma : సత్య సినిమా తీయాలనే ఆలోచన ఎలా వచ్చిందంటే…: రామ్ గోపాల్ వర్మ

Ram Gopal Varma : తెలుగు సినిమాకు కొత్త ట్రెండ్ ను తెచ్చిన ట్రెండ్ సెట్టర్ వర్మ. ‘శివ’ సినిమాతో ఒక్కసారిగా టాలీవుడ్ సినిమా తీరును మార్చేశాడు. స్టడీ కెమెరాను వాడి సినిమా విజువల్స్ కి కొత్తదనం తీసుకొచ్చి అలానే సినిమా పంథాను మార్చి అందరినీ ఆకర్శించాడు వర్మ. వివాదాలతో బతికే వర్మలో ఒక మంచి టెక్నీషియన్ ఉన్నాడు ఇది ఎవరూ కాదనలేని నిజం. తాను తీసిన పాత సినిమాలను చూస్తే ఎవరైనా ఆర్జీవి ఫ్యాన్ అవ్వాల్సిందే. అయితే ఇదంతా ఒకప్పుడు, ఇప్పుడు ఉన్న వర్మ వేరు. అయితే తాజాగా తన సినిమాల్లో మాఫియాను తన సినిమాల్లో చూపించే విధానం గురించి విశేషాలను వర్మ ఒక ఇంటర్వ్యూలో పంచుకున్నారు.

సత్య సినిమా ఎందుకు తీసానంటే…

రామ్ గోపాల్ వర్మ అనగానే శివ, రంగీలా, సత్య లాంటి మాస్టర్ పీస్ సినిమాలు గుర్తొస్తాయి. అందులోనూ సత్య సినిమా గ్యాంగస్టర్స్, అండర్ వరల్డ్ ను ఇండియాకు కొత్తగా చూపించాడు. అలాంటి సత్య సినిమా ఆలోచన అసలు వర్మకు ఎలా వచ్చింది అన్నది ఇటీవల ఒక ఇంటర్వ్యూలో వర్మ వివరించారు. సత్య సినిమా తీయాలనే ఆలోచనకు మూల కారణం మ్యూజిక్ రైటర్ అండ్ ప్రొడ్యూసర్ గుల్షన్ కుమార్ హత్య. గుల్షన్ కుమార్ 1997 లో గుడి బయట కాల్చి చంపబడ్డాడు. అదే రోజు రామ్ గోపాల్ వర్మ రంగీలా సినిమా నిర్మాత ఇంట్లో ఉండగా అతనికి గుల్షన్ కుమార్ మరణం ఫోన్ ద్వారా తెలిసింది.

పక్కన ఉన్న వర్మకు అతను ఉదయం ఏడు గంటల ప్రాంతంలో నాకు ఫోన్ చేసాడు, ఇన్ని గంటలకు గుడికి వెళ్ళాడు అంటూ చెప్పడంతో వర్మకు అప్పుడే ఒక ఆలోచన వచ్చింది. చనిపోయిన వ్యక్తి మరణించక ముందు రెండు గంటలు ఏం చేసాడు అన్నది అందరూ ఆలోచిస్తున్నారు మరి చంపిన కిల్లర్ ఏం చేసాడు ఉదయం నుండి ఒక వ్యక్తిని హత్య చెసేవరకు ఎలా ఆలోచిస్తాడు, ఏం చేస్తాడు అన్న పాయింట్ నాకు ఆశ్చర్యంగా అనిపించింది. అదే పాయింట్ తోనే సత్య కథ రెడీ చేసుకున్నాను అంటూ వర్మ చెప్పారు. ఇక సత్య సినిమాలో అందరూ కొత్తవారిని పెద్దగా ఇండస్ట్రీకి తెలియని వారిని తీసుకోవాలని అప్పుడే సినిమాలోని పాత్రలను మాత్రమే చూస్తారని వర్మ అందరినీ అలానే ఎంపిక చేసుకున్నారట.